Wednesday, June 19, 2019

राजपाको संसदमा चेतावनी - चौथौ मधेश आन्द्योलन गर्न बाध्य पारिदै छन ।

राजपाले प्रतिनिधीसभा बैठकमा सरकारले आफुहरुको मागको बेबास्ता गरेर  सडक आन्द्योलन तर्फ धकेल्न लागेको आरोप लगाएका छन । वुधवार संसद बै्रठकमा राजपाले चौथो मधेस आन्दोलनका लागि बाध्य नपार्न सरकारलाई सचेत गराएको छ ।  प्रतिनिधिसभाको बुधबारको बैठकमा बोल्दै राजपा नेता तथा सांसद लक्ष्मणलाल कर्णले संविधान संसोधन, लाल आयोग प्रतिवेदन सार्वजनिक, लोकसेवा आयोगको विज्ञापन रद्द लगायतका माग गर्दे आएपनि सरकारले नसुनेको भन्दै चौथो मधेस आन्दोलनका लागि बाध्य नपार्न सरकारलाई सचेत गराएका हुन् ।


सरकारले रोष्टम घेराउ गरेपछि मात्रै बोल्ने असंसदीय पद्धति बसाएको आरोप उनको छ । सरकार कुन बेला बोल्ने ? रोष्टम घेरेपछि मात्रै बोल्ने सरकारले एउटा सिस्टम बसाईराखेको रहेछ । संख्यागत रुपमा हामी जति भएपनि रोष्टम घेर्नका लागि हामी डराएको होइन । संस्कृति नबसोस् । संसद सुचारु रहोस् । सुचारु रुपमा चलोस् भन्ने संसदीय मर्यादाको पालन गर्या हो । सरकार यसै ढंगले जाने हो भने संसद अवरोध हुन्छ । हामी पनि रोष्टम घेराउ गर्दछौ’ कर्णको चेतावनी छ ।

उनले संविधान विपरित लोकसेवा आयोगको विज्ञापन निकालेर सरकारले मधेशी समुदायमाथि फेरी तरबार चलाउने काम गरेको आरोप लगाए । सरकारका मन्त्रीले संसदीय समितिको निर्देशन नमानेर समितिको धज्जी उडाउने काम गरेको भन्दै उनले संसदीय मर्यादा कायम गराउने तर्फ सभामुखको गम्भीर ध्यानाकर्षण गराए । कर्णले संविधानले गरेको समानुपातिक समावेशी व्यवस्थाको कार्यान्वयन नगरेर सरकारले ‘चौथो मधेस आन्दोलन निम्त्याएको हो ’ भनी प्रश्न गरे ।

‘के सोचेको हो यसले ? समानुपातिक समावेशी हामी खोस्न सक्छौ भन्ने सोचेको हो ? कसैले माने पनि राजपा पार्टी मान्दैन । संसदमा सुन्दैन भने सडकमा जान्छ’ उनको चेतावनी छ ।  उनले सत्तारुढ दलका सांसदहरुलाई विधेयकमाथि दोहोरो चरित्र नदेखाउन पनि सचेत गराए । ‘हिजो माईतिघर मण्डलामा गएको थिएँ । सत्तापक्षका माननीयहरुले पनि विधेयक खारेज गर भनेर भाषण गरिराखेको देखेँ । सडक पनि सत्ताको राज्य पनि सत्ताको । प्रतिपक्ष कहा जाने भन्ने एउटा प्रश्न खडा भएको छ । म सोध्दै छु सरकारमा सम्मिलित माननीय ज्यूहरुलाई तपाईको सडक होइन सरकार हो किन प्रश्न उठाउनुभएन रु किन यस्तो विधेयक आयो रु मन्त्रिपपरिषद्मा तपाईहरु बस्नुभएको छैन रु त्यहा पास गरिदिने । र सडकमा गएर फिर्ता हुनुपर्छ भनेर नारा लगाउने रु यो दोहोरो चरित्र चल्दैन’ राजपाको प्रश्न छ । लाल आयोगको प्रतिवेदन सार्वजनिक नगरेर सरकार आफैले गरेको प्रतिवद्धताबाट पछि हटेको भन्दै उहाँले यसले जनताको सरकारमाथिको विश्वास टुटाउने काम गरेको टिप्पाी पनि गरे ।

‘कति कराउने यो गिरिशचन्द्र लालको प्रतिवेदनमा रु जनताले बुझ्न सकेको छैन । के रहेछ त्यो भित्र रु जनताको सम्पत्ति जनतामा आउनलाई किन ढिलाई रु त्यसका लागि पनि यो रोष्टम घेर्ने पर्ने हो कि रु सरकारले बोल्छ भने त्यो सत्य हुन्छ । सरकारले बोलेको कुराबाट आफै पछाडि हट्छ भने कसले, कुन जनताले विश्वास गर्ने यो सरकारमाथि ?  उनले लोकतन्त्रको हत्या गर्ने काममा उदत्त नहुन सरकारलाई सुझाव दिए ।




No comments:

Post a Comment