Friday, April 26, 2019

फोरमको केन्द्रिय महाधिवेशन एक हप्ता सर्दै

आउदो २७ गते देखि जनकपुरमा महाधिवेशन गर्ने निर्णय गरेको संघिय समाजवादी फोरमले तयारी नपुगेको भन्दै एक हप्ता पर सार्ने तयारी गरेको छ । महाधिवेशन तयारीको लागी तल्लो निकायहरुको अधिवेशन धमाधम गर्दै आइरहेका फोरमले केहि थप तयारी गर्नु पर्ने बताउदै २७ बैशाखको सटा १ वा २ जेठ देखि जनकपुरमै महाधिवेशन गर्ने आन्तरिक तयारी गरेका छन । जसको औपचारिक निर्णय फोरमले आउदो २१ गते केन्द्रिय समिति बैठकवाट गर्ने भएको छ । फोरमको केन्द्रिय समिति बैठक आउदो २१ गते जनकपुरमा बस्दै छ ।

प्रदेश दुईको अधिवेशन लहानमा सुरु 
 
केन्द्रिय महाधिवेशनको तयारी भइरह्दा प्रदेश नम्बर दुईको अधिवेशन शुक्रवार लहानमा सुरु भएको छ । पार्टी अध्यक्ष उपेन्द्र यादवले प्रदेश अधिवेशनको उद्धघाटन गरेका थिए । प्रदेश नम्बर दुईमा प्रदेश सरकार समेत चलाइरहेको फोरममा प्रदेश नेतृत्वका लागी शुक्रवार राती सहमती नजुटेको खण्डमा शनिवार निर्वाचन गरिएर नेतृत्वको छिनोफानो गर्ने तयारी भएको छ । 

प्रदेश नेतृत्वका लागी नेतृ रेणु यादव र प्रदेश सरकारका अर्थ मन्त्री विजय यादवको विचमा प्रतिस्पर्धा हुने देखिएको छ । सर्वसम्मत भएको खण्डमा मुख्यमन्त्री लालबाबु राउत समेत नेतृत्वका इच्छा व्यक्त गरेका छन । यद्यपी सर्वसम्मत हुने छाटकाट नदेखिएको नेताहरुले बताएका छन ।

यस अघि फोरमको जिल्लातहहरुमा समेत निर्वाचन मार्फत नै नेतृत्वको छिनोफानो भएको थियो ।

No comments:

Post a Comment