Tuesday, February 6, 2018

फोरम - राजपा विचमा सरकार बनाउने प्रस्ताव पेश

राजपाद्धारा दुई सुत्रिय खाका पेश - मुख्यमन्त्री पाउने ले आन्तरिक पर्यटक र उद्योग सहित दुई मन्त्रालय । सभामुख पाउनेले अन्य चार मन्त्रालय । अढाई अढाई बर्षमा आलोपालो 

दुई नम्बर प्रदेशमा सरकार बनाउन तम्सीएको फोरम नेपाल र राजपा विचमा मगलवार बिहानै देखि भएको बैठकमा सरकार बनाउने सहमतीय खाका पेश भएको छ । मगलवार विहान ९ वजे देखि जनकपुरको सिताशरण होटलमा भएको बैठक दिनै भरी गरि दुई चोटी बसेको थियो । विहान ९ वजे देखि बसेको १२ बजे खाना खानका लागी ब्रेक भएको थियो । दिउसो ३ वजे पुन बसेको बैठक दुई दिन पछि पुन बस्ने गरि सकिएको नेताहरुले बताएका छन । बैठक सम्बद्ध स्रोतका अनुसार विहान पहिलो चोटी नै बसेको बैठकमा फोरम नेपाललले राजपासंग कसरी सहमती गर्ने भन्ने प्रस्ताव माग गरेका थिए । त्यस पछि राजपाले दुई नम्बर प्रदेशमा मुख्यमन्त्री देखि सभामुख र मन्त्रीहरु समेतको प्याकेज खाका प्रस्तुत गरेको थियो । राजपाले मुख्यमन्त्री पाउने दलले मन्त्रीपरिषद अन्य दुई ओटा मन्त्रालयहरु आन्तरित पर्यटन र उद्योग मन्त्रालय पाउने र अर्को घटकले सभामुख र अन्य चार ओटा मन्त्रालय पाउने खाका प्रस्तुत गरेको छ । राजपाले त्यसको साथै अढाई बर्ष एउटा पार्टीको मुख्यमन्त्री र अर्को अढाई बर्ष अर्को पार्टीको मुख्यमन्त्री रहने माग भनेको छ ।

निर्वाचन पश्चात पहिलो पल्ट सरकार निर्माणका लागी औपचारिक छलफलमा बसेको राजपा र फोरमको बैठकमा विहान राजपा वाट ६ ओटै अध्यक्षहरु बसेका थिए भने फोरम नेपालको तर्फवाट अध्यक्ष उपेन्द्र यादव, रेणु यादव र लालबाबु राउत सहभागी भएका थिए । त्यस पछि दिउसो बसेको बैठकमा राजपा र फोरमवाट दुई दुई जना मात्रै सहभागी भएको थियो । फोरम अध्यक्ष यादवको माग अनुसार दुवै तर्फवाट दुई दुई जना मात्रमा बैठक गर्ने भनिए पछि फोरमवाट अध्यक्ष यादव र रेणु यादव सहभागी भएका थिए भने राजपावाट महन्थ ठाकुर र महेन्द्र यादव सहभागी भएको थियो ।

दिउसो भएको दुई दुई जना बैठक लामो समय नबसेको र पुन दुइ दिन पछि बस्ने गरि सकिएको नेताहरुले जनाएका थिए । बैठकमा फोरम अध्यक्ष यादव राजपाले प्रस्तुत गरेको खाकावारेमा आफु पार्टी भित्र छलफल गर्ने भनेका थिए । दिउसो राजपा र फोरम नेपालको दुई दुइ जना बैठक सकिए पछि राजपाका अध्यक्ष मण्डलका सबै अध्यक्षहरु जनकपुरको सिताशरण होटलमा बैठक गरेको नेताहरुले जनाएका छन । साझ ७ वजे सुरु भएको राजपाको अध्यक्षहरुको छलफल अवेर राती सम्म चल्दै थियो ।

No comments:

Post a Comment