Monday, May 15, 2017

राजपा र प्रधानमन्त्री विच छलफल

राजपाद्धारा मधेशमा मोटरसाइकल जुलुस 

पहिलो चरणको निर्वाचन भएको भोली पल्टै प्रधानमन्त्री प्रचण्डले नवगठित राष्टिय जनता पार्टी राजपा संग छलफल गरेको  छ । विना सविधान संशोधन दोस्रो चरणको निर्वाचनमा भाग नलिने वताउदै आएका राजपा संग प्रधानमन्त्री वर्तमान सरकार गठन भएको वेला भएको सहमती सहित दोस्रो चरणको निर्वाचन सम्बन्धमा समेत छलफल गरेका थिए । प्रधानमन्त्री निवास वालुवाटार बैठकमा भएको उक्त छलफलमा प्रधानमन्त्री र राजपाको तर्फवाट अध्यक्षहरु मात्रै सहभागी थिए । राजपाका एक अध्यक्ष शरदसिंह भण्डारीले प्रधानमन्त्री संग आफुहरु बैशाखमा भएको भ्रद सहमती प्रति ध्यानाकर्षण गराएको बताए ।

भण्डारीका अनुसार सरकारी पक्ष र आफुहरुको विचमा भएको भ्रद सहमती अनुसार पहिलो चरणको निर्वाचन सम्म आफुहरु विरोध नगरेको भन्दै अव सरकारले आफुहरुको माग अनुसार संविधान संशोधन गर्नु पर्नेमा राजपाका नेताहरुले जाड दिएका थिए ।  उनले भने, सविधान संशोधन देखि मुद्धा फिर्ता हुदै स्थानिय तहको संख्या वढाउने पर्ने आफुहरुको शर्तको वारेमा प्रधानमन्त्रीलाई ध्यानाकर्षण गराइएको थियो ।

राजपाका अर्का अध्यक्ष राजकिशोर यादवका अनुसार प्रधानमन्त्रीले वर्तमान गठवन्धनलाइृ भत्कने गरी कुनै पनि क्रियाकलाप नगर्न राजपा संग आग्रह गरेका थिए । यादवका अनुसार प्रधानमन्त्रीले अव आउने मन्त्रीपरिषद बैठकवाट हुने कामहरु मुद्धा फिर्ता देखि स्थानिय तहको संख्या वढाउने सम्मको कामको वारेमा निर्णय हुने आश्वासन राजपालाई दिएको छ ।

प्रधानमन्त्रीले आफुले सरकार निर्माण गर्दा मधेशी मोर्चा संग गरेको सहमती अनुसार सवै कामहरु गर्न भ्याए पनि सविधान संशोधन गर्न लागातार असफल हुदै आएको आफनो अभ्यासहरु वारेमा राजपालाई जानकारी गराएका थिए । नेता यादवका अनुसार यद्यपी प्रधानमन्त्रीले पुन एकचोटी आफुले संशोधनका लागी काम गरिरहेको जानकारी राजपालाई गराएका थिए ।


राजपाका अध्यक्षहरले आफुहरु विना संविधान संशोधन दोस्रो चरणको निर्वाचनमा नजाने आफनो पुरानो अडान पुन दोह्याएका थिए । राजपाले पहिलो चरणको निर्वाचनको विरोध स्वरुप आज मात्रै मधेशका जिल्लाहरुमा वृहत मोटरसाइकल जुलुस निकालेका थिए । सदरमुकाम सहित ग्रामिण भेगहरुमा समेत भएको उक्त मोटरसाइकल जुलुसमा सोमवार व्यापक सहभागीता देखिएका थिए ।

सोमवार विहानै प्रधानमन्त्रीसंग छलफल गरेका राजपाका अध्यक्षहरु दिउसो छुटै समेत बैठक गरेको नेताहरुले बताएका छन । पछिल्लो अवस्था र प्रधानमन्त्रीसंगको छलफल वारेमा सोमवार दिउसो ३ बजे राजपाका अध्यक्ष मण्डलको बैठक विजुलीवजारमा बसेको थियो ।

यस अघि राजपाले घोषणा गरेको विरोध कार्यक्रमहरु आज सकिएको छ । भोली राजपाको कार्यदलको बैठक समेत बोलाइएको छ । पार्टी दर्ता देखि अगामी विरोधका कार्यक्रमहरुको समेत स्वरुप कार्यदलले तयार पार्ने छ ।

No comments:

Post a Comment