कसरी भयो मधेशी मिलाप ?

सधै आपसी मतभेदमा रुमल्लिएको मधेश राजनितीमा मधेशी मोर्चा सम्बद्ध ६ पार्टीको एकिकरणले नया तरङ पैदा गरेको छ । कसरी सम्भव  भयो  यो एकीकरण ? 

६ बैशाख, अबेर राती मधेशी मोर्चाका पांच अध्यक्ष ( तमलोपा–महन्थ ठाकुर, सद्भावना–राजेन्द्र महतो, राष्ट्रिय मधेस समाजवादी पार्टी–शरदसिंह भण्डारी, तराई मधेस सद्भावना पार्टी–महेन्द्र यादव, फोरम गणतान्त्रिक–राजकिशोर यादव) ले एउटै पार्टी बनाउने निर्णय गरे । र, ७ बैसाखमा घोषणाको कार्यक्रम तय गरियो । 

७ बैसाख विहानैदेखि पांच अध्यक्षहरुले नेपाल सद्भावना पार्टीका अध्यक्ष अनिल झालाई पनि नवोदित पार्टीमा मिसिन आग्रह गरे । तर झाले तत्कालका लागि उक्त एकीकरणमा सहभागी नहुने जवाफ फर्काए ।

घोषणा कार्यक्रम निर्धारित समयभन्दा दुई घण्टा ढिलो शुरु भयो । पांचै जना अध्यक्षले कार्यक्रममा बोले । पुछारमा तमलोपाका ठाकुर बोल्दै थिए । त्यही बेला झा टुप्लुक्क सभास्थल झुल्किए । हृदयेस त्रिपाठी र वशेषचन्द्रलालले उनलाई मञ्चमा डोराएर लगे भने राजकिशोर यादवले फुलमाला लगाइ दिए । केही घण्टा अघि एकीकरणमा तत्काल सामेल नहुने अडानमा रहेका झा किन एकाएक फेरिए । नेपाल सद्भावना पार्टीका महासचिव राजीव झा भन्छन्–‘आम मधेसी जनता र कार्यकर्ताको दवाब थेग्न नसकेपछि एकीकरणमा सहभागी भयौं ।’

राष्टिय जनता पार्टीको दर्ता वारेमा निर्वाचन आयोग संग छलफल

६ ओटा मधेशी पार्टीहरु द्धारा एकिकरण मार्फत घोषणा गरिएको नयां पार्टीको अधिकारिक दर्ता वारेमा राजपाका नेताहरु मंगलवार आयोगका पदाधिकारीहरु संग छलफल गरेका छन । लक्ष्मणलाल कर्णको नेतृत्वको गएको राजपाका नेताहरुको टोलीले पार्टी दर्ता प्रक्रिया देखि निर्वाचनका लागी लिने चुनाव चिन्ह सम्मको वारेमा आयोग संग जानकारी लिएका थिए ।

यसरी हुदैछ संस्थागत नयां एकिकृत मधेशी पार्टी - राष्टिय जनता पार्टी

गएको ७ बैशाखमा ६ ओटा मधेशी पार्टीहरु द्धारा एकिकरण गर्दै घोषणा गरिएको नयां पार्टी राष्टिय जनता पार्टी अव कसरी संस्थागत हुने छ ? यस अघि छुटा छुटै संरचनामा रहेको यी ६ ओटै पार्टीहरु कसरी एउटै पार्टीको रुपमा समायोजन हुदै छ ? यो तपाई हामी सवैको चासोको विषय हुन ? मधेश देखि काठमाडौ सम्म सवैलाई आश्चर्यचकित हुने गरि ६ बैशाखको अवेर राती मधेशी मोर्चामा आबद्ध ६ ओटा पार्टीका अध्यक्षहरु एकता गर्ने निर्णय गरे । र ७ बैशाखको दिउसो काठमाडौमा एएटा विशेष समारोहको आयोजना गरेर एकताको घोषणा गर्दै नयां पार्टी राष्टिय जनता पार्टीको घोषणा गरेका थिए । जसको चुनाव चिन्ह देखि झन्डा सहित सवै कुराहरु नयां राखिएको छ ।

मधेशी मोर्चाका छ घटक द्धारा एकिकरण - नयां पार्टी घोषणा

नयां पार्टीको नाम राष्टिय जनता पार्टी 

संयुक्त लोकतान्त्रिक मधेशी मोर्चाका ६ घटकले पार्टी एकिकरण गर्दै नयां पार्टीको घोषणा गरेका हुन । महन्थ ठाकुर, राजेन्द्र महतो, शरदसिंह भण्डारी, महेन्द्र यादव, राजकिशोर यादव र अनिल झाले पार्टी एकिकरण गर्दै नयां पार्टी राष्टिय जनता पार्टीको घोषणा गरेका हुन । मोर्चामा अहिले सम्म सात ओटा दलहरु थियो । उपेन्द्र यादव वाहेक अन्य पार्टीहरुले पछिल्लो केहि समय यता एकिकरणका लागी बाक्लो दौडधुपमा थियो । त्यही दौडधुपका परिणाम स्वरुप हिजो वुधवार अवेर राती सम्म शिर्ष मधेशी नेताहरुको बैठकले पार्टी एकिकरणको टुगो लगाएका थिए । वुधवार अवेर राती टुगो लागेको मधेशी पाटीृहरुको एकता विहिवार दिउसो राजधानीमा घोषणा गरिएको हो ।

पार्टीको नाममा ‘राष्ट्रिय जनता पार्टी’

थरुहट- थारुवान सयुक्त संघर्ष समितिद्धारा पनि निर्वाचन लक्षित बन्द हडताल घोषणा

मधेशी मोर्चा र संघिय गठवन्धनले निर्वाचल लक्षित बन्द हडताल घोषणा गरे संगै पश्चिम तराईमा सक्रिय थारु सम्बन्धीत संघ संस्थाहरुले समेत बन्द हडताल सहितका विरोध कार्यक्रम सार्वजनिक गरेका छन । मोर्चा र गठवन्धन झै थरुहट थारुवान संयुक्त समितीले सरकारद्धारा ल्याएको सविधान संशोधनलाई अमान्य भनेको छ ।
पढ्नुस् प्रेस विज्ञप्ती

राजेन्द्र महतो नेतृत्वको सदभावना पार्टी र राजकुमार लेखी विच एकिकरण

राजेन्द्र महतो नेतृत्वको सदभावना पार्टी र थारु अभियानी राजकुमार लेखीको नेतृत्वमा रहेको नागरिक समाजवादी पार्टी विच मंगलवार एकिकरण भएको छ । एमाले पृष्टभुमि भएका लेखी थारु कल्याणकारीणी सभाका पुर्व अध्यक्ष समेत हुन । कुनै वेला मधेश आन्दोलन र मधेशी पार्टीहरुको कटर आलोचक रुपमा आफुलाई प्रस्तुत गरेका लेखी थारु कल्याणकारी सभाको अध्यक्ष वाट निर्वतमान भए पछि आफनै नेतृत्वमा थारु केन्द्रित पार्टी खोलेका थिए । तर पछिल्लो समयमा ३ प्रतिशतको थ्रेसहोल्ड लागु गर्ने प्रावद्यान संसदले ल्याए पछि साना पार्टीहरु एकिकृत हुने थाले र त्यसको कसरत स्वरुप एकिकरणको दौडधुप बाक्लीएको देखिन्छ ।

मधेशी मोर्चा र संघिय गठवन्धनद्धारा निर्वाचन केन्द्रित बन्द हडताल घोषणा

सरकारले घोषणा गरेको स्थानिय तहको निर्वाचन वहिष्कार गर्ने निर्णय गरेको मधेशी मोर्चा र संघिय गठबन्धनले निर्वाचनलाई लक्षित गरेर बन्द तथा हडताल सहितका आन्दोलन कार्यक्रम सार्वजनिक गरेका छन । आइतवार मोर्चा तथा गठवन्धनका रहेका पार्टीहरुका शिर्ष नेताहरुले संयुक्त रुपमा पत्रकार सम्मेलन गरेर मसाल जुलुस देखि अनिश्चितकालिन बन्द सहितका आन्दोलनका कार्यक्रमहरु घोषणा गरेका हुन ।

मधेशी मोर्चाद्धारा सरकारको नयां संशोधन प्रस्ताव अस्विकार

थप आन्द्योलनका कार्यक्रम घोषणा 

 

मधेशी मोर्चाले मंगलवार सरकारले ल्याएको नयां संशोधन प्रस्ताव अस्विकार गर्दै आन्दोलनका कार्यक्रम घोषणा गरेका छन । बुधवार बसेको मोर्चा बैठकले मोर्चा र गठव्न्धनको ११र २६ बुदे माग सम्बोधन नहुन्जेल कुनै पनि निर्वाचनमा भाग समेत नलिने निर्णय गरेको छ । बैठक पछि जारी विज्ञिप्तमा भनिएको छ, संविधान संशोधन गरी हाम्रो माग पुरा नहुन्जेल आन्दोलन जारी रहनेछ ।
पढनुस मोर्चाको विज्ञिप्त

नयां संशोधन प्रस्ताव माथी छलफल गर्न मधेशी मोर्चाको बैठक बुधवार बस्दै

सरकारले पुरानो संशोधन प्रस्ताव फिर्ता लिएर नयां संशोधन प्रस्ताव मंगलवार सदनमा दर्ता गराए पछि मधेशी मोर्चा र संघिय गठवन्धनले बैठक बोलाएको छ । सरकारको पछिल्लो संशोधन प्रस्तावलाई लिएर विभिन्न टिकाटिप्पणी भइरहदा मोर्चा र गठवन्धनले औपचारिक बैठक गरेर धारणा सार्वजनिक गर्ने भएको छ । वुधवार विहान ९ बजे तमलोपा पार्टी कार्यलयमा मोर्चाको बैठक बोलाइएको छ भने गठवन्धनको बैठक दिउसो २ वजे । गठवन्धनको बैठक फोरम नेपालको पार्टी कार्यलयमा बस्ने छ ।

मधेशमा निर्वाचन तयारी शुन्य

जनकपुरधाम - संयुक्त लोकतान्त्रिक मधेशी मोर्चाको विरोधका प्रभाव स्थानीय निकायको चुनावको तयारीमा परेको छ । चैत मसान्त सम्म मध्य तराईको पाच जिल्लामा चुनावको तयारी न्युन रहेको छ । धनुषा,  महोत्तरी,  सिरहा,   सर्लाही र सप्तरी जिल्लामा हाल सम्म मतदान स्थलको टुंगो लागिसकेको छैन् ।  निर्वाचन स्थलको टुंगो लगाउन जिल्ला मतदान केन्द्र सिफारिस समितिको बैठक बस्न नसकेकोले पांचै जिल्लामा टुंगो लाग्न नसकेको हो ।

सप्त्तरी घटनामा सरकारको कमजोरी रहेको संसदीय समितीको ठहर

मृतक परिवारले अझै पाएनन राहत 

संसदीय समितिले २३ फागुनमा ५ जनाको ज्यान जाने गरी भएको सप्तरी घटनामा सरकार जिम्मेवार रहेको ठहर गरेको छ। सरकारले भरपर्दो सुरक्षाको व्यवस्था गर्न नसक्दा सप्तरी घटनामा ५ जना सर्वसाधारणले ज्यान गुमाउनु परेको निष्कर्ष समितिको छ।

मोर्चाका अध्यक्षहरु तत्कालै काठमाडौ नआउने ।

मधेशी मोर्चाका केहि शिर्ष नेताहरु प्रधानमन्त्रीसंग छलफल गर्न काठमाडौ आउने सक्ने सम्भावना तत्कालै नरहेको मोर्चाका नेताहरु बताउछन । र सरकार तथा प्रधानमन्त्री प्रचण्डले पुन गरीरहेको सहमती प्रयास प्रति विश्वास नरहेको प्रतिक्रिया दिएका छन । सविधान संशोधनका लागी पुन प्रधानमन्त्रीको पहलमा परिर्माजित खाका बनिरहेको समाचारहरु आएका थिए । तमलोपा अध्यक्ष महन्थ ठाकुर महोत्तरीमा शुक्रवार छन । त्यसैगरी फोरम नेपालका अध्यक्ष उपेन्द्र यादव सहित अन्य पनि केहि अध्यक्षहरु मधेश तिरै छन । तमलोपा अध्यक्ष ठाकुर संगै रहेका उक्त पार्टीका उपाध्यक्ष वृषेशचन्द्र लालका अनुसार प्रधानमन्त्रीले भनिरहेको जस्तो छलफलका लागी ठाकुर अहिले काठमाडौ फर्कने मनस्थ्तिीमा छैन । मधेशी अध्यक्षहरु विचमा बैशाखको पहिलो हप्ता मोर्चाको बैठक गरेर आन्दोलन घोषणा गर्ने वारेमा अनौपचारिक गृहकार्य चलीरहेको लालको भनाई छ । उनले भने, ठाकुरजीको अहिले यतै तिर केहि समय बस्नु हुन्छ ।

मधेशी मोर्चा भित्र एकिकरणको दौडधुप

थ्रेसहोल्ड लागु भएपछि मधेशी मोर्चा सम्मलीत पार्टीहरु विच एकिकरणको दौडधुप बाक्लीएको छ । 
 

१३ चैतमा सप्तरीको मलेठमा आयोजना गरिएको शोकसभामा मधेशी मोर्चालाई एउटै पार्टी बनाउने घोषणा मधेशी अध्यक्षहरुले गरे । हुनत मधेशी पार्टीहरु विचको एकिकरण मुद्धा मधेश राजनितीमा नयां चाही होइन तर पछिल्लो समयमा ३ प्रतिशतको थ्रेसहोल्ड लागु भए पछि यो मुद्धा पुन सतह देखिएका छन । १३ चैतमा सप्त्तरीको मलेठमा एकिकरणगर्ने उद्यघोष गरेका ४ जना मधेशी अध्यक्षहरु १६ चैतमा बर्दीवासमै गोप्य बैठक गरे । जुन बैठकमा फोरम गणतान्त्रिकका अध्यक्ष राजकिशोर यादव, तराई मधेश सदभावना पार्टीका अध्यक्ष महेन्द्र यादव, राष्टिय मधेश समाजवादी पार्टीका अध्यक्ष शरदसिंह भण्डारी र नेपाल सदभावना पार्टीका अध्यक्ष अनिल झा थिए । त्याहा बाट काठमाडौ आए लगत्तै तराई मधेश सदभावना पार्टीले राम नरेश रायको संयोकत्वमा एउटा टोली बनाउदै एकिकरणका लागी गृहकार्य गर्ने जिम्मा दिए । रायले २० चैतमा तमलोपा अध्यक्ष महन्थ ठाकुर र सदभावना अध्यक्ष राजेन्द्र महतो संग एकिकरणको सन्दर्भमा झण्डै अढाई घण्टा लामो कुराकानी गर्न भ्याइ सकेका छन । यी दुइ अध्यक्ष वाहेक रायले फोरम नेपालका अध्यक्ष उपेन्द्र यादव सहित सवै अध्यक्षहरु संग पहिलो चरणको वार्ता गरिसकेका छन । राय भन्छन, पहिलो चरणमा हामी सवै अध्यक्षहरु संग एकिकरणका लागी प्रारम्भिक कुराकानी अगाडी वढाएका छौ ।

फाटयो हुलाकीको हुस्सु

पुरा हुदै हुलाकी सडकको सपना

सरकारले बजेट विनियोजन गरेर काम अगाडि बढाएपछि हुलाकी सडक निर्माणको २६ वर्षको सपना विपना बन्दै ।

भौतिक योजना मन्त्री रमेश लेखकले २८ पुसमा हुलाकी राजमार्गको माईस्थान–गौशाला खण्ड शिलान्यास गरे । त्यतिबेलासम्म महोत्तरी गौशालाका रामबाबु यादवलाई उक्त सडक बन्ने विश्वास थिएन । दुई दशकदेखिको सपना पुरा हुने आशा पलाएको छ अहिले उनमा । ‘यो सडक बन्न थालेको कुरा पनि सपनाजस्तो पो लाग्छ,’ यादव भन्छन्, ‘यसबाट तराई मधेशको कायापलट हुने आशा छ ।’ डेढ दशकदेखि वर्षामा हिलो र हिउदमा धुलोबाट आक्रान्त छन्, सडक आसपासका बासिन्दा । दक्षिणको भारत सीमावर्ती इलाकाका बासिन्दामा बल्ल चिल्लो कालोपत्रे सडकमा हुइकिन पाइने आशा पलाएको छ । महोत्तरीको सम्सी नाकासम्म सडक जोडिदा निकट भविष्यमै व्यापार/व्यवशाय मौलाउने आशामा छन् उक्त जिल्लाका बासिन्दा ।

संघिय गठवन्धनद्धारा काठमाडौमा प्रर्दशन

सरकारले घोषणा गरेको स्थानिय निर्वाचनको विरुद्धमा मधेशी मोर्चा सहितको संघिय गठवन्धनले सोमवार काठमाडौमा प्रर्दशन गरेका छन । गठवन्धनले घोषणा गरेको विरोध कार्यक्रम स्वरुप आज काठमाडौमा प्रर्दशन गरेर कोणसभा गरेका थिए । सरकारले घोषणा गरेको निर्वाचन मिती फिर्ता लिनु पर्ने र आन्दोलनरत पक्षहरुको माग बमोजिम सविधान संशोधन हुनु पर्ने अडानमा गठवन्धन छन ।

मधेशी मोर्चाको बैठक बोलाउने तयारी

सतापक्ष संगको औपचारिक र अनौपचारिक छलफलमा रहेको मधेशी मोर्चाको शिर्ष नेताहरु मोर्चाको औपचारिक बैठक बोलाउने तयारीमा जुटेका छन । पछिल्लो समयमा मोर्चाका अध्यक्षहरु वढी समय मधेश तिर बस्न लागेकाले मोर्चा बैठक डाक्न सवैलाई काठमाडौ बोलाउन थालिएको छ । मोर्चाको बैठकको अध्यक्षता गर्दै आएका तमलोपा अध्यक्ष महन्थ ठाकुर हिजो देखि बैठकका लागी सवै अध्यक्षहरुलाइ फोन गरेर आग्रह गरिरहेको बुझिएको छ । यद्यपी फोरम नेपालका  अध्यक्ष उपेन्द्र यादवले ठाकुरलाई दुई दिन पर्खेर बैठक गर्न आग्रह गरेको ठाकुर सम्बद्ध स्रोतको भनाई छ । यादव उपत्यका बाहिर भएकाले त्यस्तो आग्रह गरेको छ । यादव संगै रामसपा, तमसपा सहितका मधेशी अध्यक्षहर उपत्यका बाहिर छन ।

मधेशी मोर्चा र सतारुढको वालुवाटार सकस

शुक्रवार प्रधानमन्त्री निवास वालुवाटारमा भएको बैठक पश्चात मोर्चा र सतारुढ दुवै तर्फका नेताहरु संचारमाध्यमहरुमा साकारात्मक प्रतिक्रिया दिए पछि एकाएक सहमती हुन लागेको कुराहरु सार्वजनिक भयो । नेताहरुको उक्त साकारात्मक सन्देश १२ घण्टा पनि टिकेनन र पुन मधेशी मोर्चाका तर्फवाट नेताहरु भनिएको जस्तो कुनै साकारात्मक कुरा नरहेको टिप्पणी गरे । शुक्रवार वेलुकि वालुवाटारवाट निस्कदै गर्दा स्वम मोर्चाका शिर्ष नेता तथा तमलोपा अध्यक्ष  महन्थ ठाकुरले ५ बुदे कुरा आएको र  सरकारले के गर्छन त्यसलाई हेरे आफुहरुले पोजिसन स्पष्ट पार्ने कुरा साकारात्मक रुपमा संचारमाध्यमहरु सामु प्रष्टाएका थिए । सतारुढ दलका नेताहरुले भने ठाकुर भन्दा एक कदम अगाडी गएर २० गते भित्रै सहमती हुन लाग्यो भनेर अभिव्यक्ति दिएका थिए । तर सम्बद्ध स्रोतका अनुसार वालुवाटार बैठक भन्दा अघि देखि नै सतारुढ काग्रेस, माओवादी र मोर्चा विच अनौपचारिक कुराकानी अघि वढेको छ ।