लोकमान प्रकरणमा मधेशी सासंदहरु अहिले मौन बस्ने ।

संसदमा अख्तीयार आयोग प्रमुख लोकमान सिंह कार्की विरुद्ध दायर भएको महाअभियोग सन्दर्भमा मधेशी पार्टीहरुका संसद अहिले मौन रहने रणनिती लिन लागेको नेताहरुले बताएको छ ।  आउदो मंगलवार देखि संसदमा कार्की विरुद्धको महाभियोग वारेमा छलफल सुरु हुदै छ । मधेशी पार्टीहरुका सासंदहरुले आफुहरु संग कुनै सल्लाह नै नगरीकन यो प्रक्रिया अघि वढेकाले आफुहरु यसमा मौन बस्न लागेको बताएका छन । तमलोपाका महामन्त्री तथा सांसद वृजेश गुप्ता भन्छन, अहिले नै हामी यस वारेमा कुनै पोजिसन लिने छैन । पहिला संसदको महाअभियोग समितीले कार्कीको वारेमा के निर्णय लिन्छ, त्यस पछि मात्रै हामी आफनो पोजिसन प्रष्ट गर्ने छौ, गुप्ता भन्छन ।

फोरम नेपालका सासद लालबाबु राउतका अनुसार मंगलवार देखि संसदमा कार्कीको महाअभियोगको वारेमा हुने छलफलमा उनीहरु भाग लिने छैनन । राउत भन्छन, यसमा हामीले भाग लिनुको कुनै तुक नै छैन । राउत पनि तमलोपा नेता गुप्ता जूस्तै आफुहरु सांसदको महाअभियोग समितीले लिने निर्णय पश्चात मात्रै यस वारेमा धारण बनाउने सोचमा रहेको बताए ।

सदभावना पार्टीका सहअध्यक्ष तथा संसदीय दलका नेता लक्ष्मणलाल कर्ण पनि अहिले नै आफुहरु पोजिसन प्रष्ट पार्ने अवस्थामा नपुगेको बताए । कर्णका अनुसार यस वारेमा सवै मधेशी पार्टीहरु एक आपसमा केहि दिन भित्रै छलफल गरेर संयुक्त रुपमा एक साथ अघि वढने छन ।

मधेशी पार्टीहरुका कतिपय नेताहरुले सांसदमा प्रमुख दलहरुले महाअभियोग समिती बनाउदा आफुहरु संग कुनै सल्लाह नगरेको भन्दै महाअभियोगको प्रक्रिया प्रति असन्तुष्टि व्यक्त गर्दे आइरहेका छन । यद्यपी कतिपय शिर्ष मधेशी नेताहरु मोर्चा संग सरकारले गरेको सविद्यान संशोधनको प्रक्रिया धमिल्याउने गरी कार्की प्रकरण अगाडी ल्याएको भन्दै प्रधानमन्त्री प्रचण्ड प्रति सार्वजनिक रुपमा रोष प्रगट गर्दै आएका छन ।