काग्रेस माओवादीको नयां सता गठवन्धन र आन्दोलनरत मधेशी मोर्चामा आबद्ध मधेशी पार्टीहरु विच पछिल्लो राजनितीक घटना क्रमको वारेमा छलफल सुरु भएको छ । शुक्रवार विहान काग्रेस संसदीय दलमा भएको यी दुई घटकहरुको वैठकले संसदमा पेश भएको अविश्वासको प्रस्ताव पारित गरे लगत्तै आन्दोलनरत पक्षहरुको मुद्धाको वारेमा छलफल गर्ने निष्कर्ष निकालेका छन । आन्दोलनरत मधेशी पार्टीहरुले ओली विरुद्धको अविश्वासको प्रस्तावमा निशर्त समर्थन गरे पनि नयां सरकार गठनको प्रक्रियामा सामेल नहुने निर्णय गरेका थिए । मधेशी पार्टीहरुले आफुहरुको मुद्धा सम्बोधन गर्ने ठोस आधार काग्रेस माओवादीले ल्याए मात्रै नयां सरकारको गठनको प्रक्रियामा सामेल हुने वारेमा सोच्ने बताएका थिए ।
मधेशी पार्टीहरुसम्बद्ध स्रोतका अनुसार आन्दोलन मधेशी मोर्चाले अघि सारेको ११ बुदे मागको वारेमा कसरी सहमतीमा पुग्ने वारेमा दुवै पक्षहरु विच अनौपचारिक तहमा संवाद चलीरहेको छ । शुक्रवार विहान भएको यी दुई घटकहरुको वैठकमा समेत त्यस वारेमा समान्य चर्चा चलेको बैठकमा सहभागी नेताहरुको भनाई छ । यद्यपी शुक्रवारको बैठक मुख्य रुपमा संसदमा पेश भएको अविश्वासको प्रस्तावलाई कसरी अगाडी वढाउनेमा केन्द्रित थियो । यद्यपी बैठकमा अविश्वास प्रस्ताव पारित भए लगतै मोर्चाको मुद्धाको वारेमा कसरी सहमती गर्ने वारेमा औपचारिक कुराकानी गर्ने कुरा भएको थियो । त्यही भएर होला काग्रेस नेता विमलेन्द्र निघिले पत्रकारहरुको उक्त बैठक पश्चात अविश्वासको प्रस्तावमा सघाउने मधेशी पार्टीहरु नयां सरकार गठनमा समेत सहभागी हुने विश्वास व्यक्त गरेका थिए ।
यद्यपी शुक्रवारको बैठकमा समेत मधेशी नेताहरुले आफुहरुको मुद्धा सम्बोधन वारेमा ठोस सहमती नभए आफुहरु सरकार निर्माणको प्रक्रियामा सहभागी नहुने बताएका थिए ।
शुक्रवारको काग्रेस माओवादी संगको मोर्चाको बैठकमा सहभागी फोरम गणतान्त्रिकका अध्यक्ष राज किशोर यादव भन्छन, अहिले नै ढुक्कका साथ भन्न सकिने अवस्था आएको छैन, यद्यपी काग्रेस माओवादीले अविश्वासको प्रस्ताव पारित भए पछि पुन बैठक गरेर त्यस वारेमा कुराकानी अगाडी वढाउन भनेका छन । यादवका अनुसार आन्दोलनरत पक्षहरुले ओली हटे पछि अहिले भन्दा अवस्था केहि सहज हुने विश्वास मोर्चाका नेताहरुले लिएका छन । उनी भन्छन, यद्यपी हामी ढुक्क छैनौ । उहाहरु कसरी प्रस्तुत हुने छ, त्यो सवै त्यसमै भर पर्ने छ, यादव भन्छन ।
No comments:
Post a Comment