Friday, July 15, 2016

खुल्लामन्चमा आन्दोलनरत गठवन्धनको अनशन सकियो ।

२५ जेठ यता काठमाडौको खुल्लामन्चमा दैनिक अनशन गर्दै आइरहेको आन्दोलनरत संघिय गठवन्धनको अनसन कार्यक्रम आज देखि सकिएको छ । गठवन्धनले १ जेठ देखि सुरु गरेको काठमाडौ केन्द्रित आन्दोलनको विभिन्न स्वरुप अन्र्तगत गएको २५ जेठ देखि असार मसान्त सम्म काठमाडौको विचमा पर्ने खुल्लामन्चमा अनशन बस्ने निर्णय गरेको थियो । गठवन्धनको त्यही निर्णय मुताविक २५ जेठ यता हरेक दिन विहान ७ वजे देखि वेलुकि ७ वजे सम्म गठवन्धनमा आबद्ध नेताहरु अनशन बस्दै आएका थिए ।

अनशन सुरु भए देखि नै विभिन्न पक्षहरुमा वाट गठवन्धनको आन्दोलन प्रति एक्यवद्धता जनाउने क्रम सुरु भएको थियो । त्यही स्वरुप आज अनशनको समापन दिनमा समेत नया गठवन्धनका एक प्रमुख नेता माओवादी अध्यक्ष प्रचण्डले आन्दोलन प्रति एक्यवद्धता जनाएका थिए । यस अघि नयां शक्तिका प्रमुख बाबुराम भटराई सहित नेपाली काग्रेसका शिर्ष नेताहरु अनशन स्थल पुगेर आन्दोलन प्रति एक्यवद्धता व्यक्त गरेका थिए ।

गएको बैशाख पहिलो हप्ता देखि मधेशी मोर्चामा सम्मलीत मधेशी पार्टीहरु सहित जनजाती तथा आदीवासीहरुको संयुक्त गठवन्धनको रुपमा संघिय गठवन्धनको व्यानरमा काठमाडौ केन्द्रित आन्दोलन थालिएको थियो । काठमाडौ केन्द्रित आन्दोलन अन्र्तगत सिंहदरवार, वालुवाटार घेराउ सहित उपत्यकाका विभिन्न स्थानमा कोणसभाहरुको आयोजना गरिएको थियो । त्यस पछि गएको २५ जेठ यता काठमाडौको खुल्लामन्चमा अनशनको कार्यक्रम राखिएको थियो ।
 
संघिय गठवन्धन भित्रै पनि मधेशी मोर्चाको व्यानर आझेलमा परेको भन्दै आन्तरिक मनमुटाव सुरु देखि नै देखिन्छ । जुन अनशन कार्यक्रममा समेत देखियो । काठमाडौ क्ेन्द्रित आन्दोलन सुरु हुने पुर्व सन्धयमा गठवन्धनको संयोजकको रुपमा फोरम नेपालका अध्यक्ष उपेन्द्र यादव मनोनित भए पछि गठवन्धन भित्र विवाद सुरु भएको थियो । उक्त निर्णयको विरुद्धमा तमलोपा र सदभावनाले खुल्ला रुपमै आवाज उठाउदै आएका छन ।
 
आन्तरिक मनमुटावको समेत चपेटामा रहेको यो संघिय गठवन्धन अव अगामी रणनिती कस्तो बनाउलान वा अगाडी कसरी वढने छ त्यो थप रोचक हुने लगभग निश्चित देखिन्छ ।

No comments:

Post a Comment