तमलोपाको प्रथम राष्टिय महाधिवेशन नवलपरासीमा सुरु ।

आन्दोलनरत मधेशी पार्टीहरु मध्येका एक प्रमुख घटक तराई मधेश लोकतान्त्रिक पार्टीको पहिलो राष्टिय महाधिवेशन आज देखि नवलपरासीमा सुरु भएको छ । नवलपरासीको रामग्राममा सोमवार भएको उद्धघाटन सत्र संगै तमलोपाको पहिलो महाधिवेशन सुरु भएको छ । आज देखि सुरु भएको महाधिवेशन वुधवार  सकिने छ । महाधिवेशनको उदघाटन सत्रमा प्रमुख दलहरुका शिर्ष नेताहरु संगै मधेशी पार्टीहरुका पनि प्रमुख नेताहरु सहभागी भएका थिए । त्यस अवसरमा भारतका झण्डै आधा दर्जन अतिथीका संगै अन्य विदेशी पाहुनाहरुको समेत उपस्थिती थिए ।

पार्टी संस्थापनाको ९ बर्ष पछि तमलोपाले प्रथम महाधिवेशन गरेका हुन । ०६४ सालमा संस्थापना भएको तमलोपा पहिलो र दोस्रो संविद्यानसभाको निर्वाचनमा भाग लिदै मधेशी पार्टीहरु मध्येमा दोस्रो र सवै राजनितीक शक्तिहरुको विचमा पाचौ र छैटौ शक्तिको रुपमा आफुलाई उभ्याएका छन । निर्वाचन आयोगको अन्तिम चेतावनी पछि यो पार्टीले महाधिवेशनमा गएका हुन ।

आज देखि सुरु भएका तमलोपाका प्रथम महाधिवेशनमा देशभरीवाट १ हजार भन्दा वढी तमलोपाका प्रतिनिधीहरु सहभागी भएका छन भन्ने ४ सय भन्दा वढी पर्यवेक्षकहरु सहभागी भएको सो पार्टीले जनाएको  छ ।
 

सोमवार दिउसो उदघाटन सत्र भएको तमलोपाको महाधिवेशनको भोली देखि बन्द सत्र सुरु हुने छ । विभिन्न समितीहरुले तयार पारेको प्रतिवेदनहरु माथी छलफल गर्दै बन्द सत्र सकिने छन । त्यस पछि वुधवार नयां नेतृत्वका लागी पुन प्रकिया सुरु हुने सो पार्टीले सार्वजनिक गरेको महाधिवेशनको कार्यतालिकामा उल्लेख गरिएको छ । बुधवार नै नयां नेतृत्व समबन्धीको प्रक्रिया पुरा गर्दै तमलोपाको प्रथम राष्टिय महाधिवेशन सकिने छ ।