Wednesday, May 4, 2016

पछिल्लो परिस्थती वारेमा काग्रेस र मधेशी मोर्चा विच छलफल ।

मोर्चाको माग वारे काग्रेस र मोर्चाको स्तरमा छलफल गर्ने तयारी । 

वर्तमान गठवन्धनको सरकार ढल्ने निश्चित देखिएको अवस्था उत्पन्न परिस्थती वारेमा नेपाली काग्रेस र आन्दोलनरत संयुक्त लोकतान्त्रिक मधेशी मोर्चा विच वुधवार छलफल भएको छ । वर्तमान गठवन्धनका प्रमुख साझेदार एमाओवादीले नेपाली काग्रेस संग मिलेर नयां सरकार बनाउने निर्णय गरे संगै राजनितीक माहौल वुधवार विहान देखि तातिएको छ । आउदो १ जेठ देखि काठमाडौ केन्द्रित आन्दोलन गर्ने घोषणा गरेको आन्दोलनरत पक्ष मधेशी मोर्चालाई नया गठवन्धनले निमत्याएर छलफल गर्नुलाइ अर्थ पुर्ण रुपमा लिएको छ । वुधवारको काग्रेस र मोर्चा विचको छलफलमा सहभागी सदभावना नेता लक्ष्मण लाल कर्णका अनुसार मोर्चाले केपी शर्मा ओली नेतृत्वको सरकारलाई खसाउन सहयोग गर्ने कुरा काग्रेसलाई प्रष्ट रुपमा भनेको छ । कर्ण भन्छन, हामीले ओली नेतृत्वको सरकार बन्दा खेरी नै यसको विरुद्धमा उभिएका थियौ, त्यही भएर यो सरकार खसाउन हाम्रो भुमिका यदी कहि कतै रहन्छ भन्ने, त्यो हामी निर्वाह गर्छौ । कर्णले  यसलाई नया सरकारको गठन संग नजोडन आग्रह गरे । उनले भने, हामीले ओली सरकार खसाउनुको अर्थ नयां सरकार गठनमा भुमिका खेल्छौ भन्ने होईन ।


वुधवार काग्रेस र मधेशी मोर्चा विच भएको छलफलमा मोर्चाले आफनो ११ बुदे मागको वारेमा नयां गठवन्धनले आफनो धारण ल्याए त्यस पछि मात्रै नयां सरकारको गठनको  भुमिका वारेमा हामी सोच्ने कुरा मोर्चाले प्रष्टाएका थिए ।
 
सदभावना नेता कर्णका अनसार वुधवार काग्रेस संगको छलफलमा काग्रेसले मोर्चाको माग वारेमा समेत कुराकानी गरेका थिए । काग्रेसले पुन बैठक गरेर कुरा गर्ने भनेका छन, कर्णले भने, हाम्रो ११ बुदे मागको वारेमा कुरा अघि वढेको खण्डमा हामीले नयां ढंगले सोच्ने छौ । यद्यपी सरकारमा तत्कालै सहभागी हुने मोर्चाको कुनै योजना नरहेको र नहुने समेत दावी कर्णले गरे ।
 
मधेशी मोर्चा र काग्रेस सम्बद्ध कतिपय स्रोतका अनुसार एमाले वाहेकको दुई तिहाई बहुमतको आधारमा सरकार बन्ने अवस्था सिर्जना भएको खण्डमा मधेशी मोर्चा त्यसमा सहभागी हुने कुरा लगभग निश्चित छ । तर त्यो हुन्छ कि हुदै भन्ने कुराका लागी केहि दिन पर्खनै पर्छ । एमाले वाहेक प्रचण्ड नेतृत्वमा काग्रेस सहित अन्य सवैको सहभागीमा दुई तिहाई पुर्याउने कसरत चलीरहे्को कतिपय भित्रियाहरुको भनाई छ । काग्रेसले मोर्चा संग छलफल गर्नुको उदेश्य त्यस संगै जोडिएको कतिपय नेताहरुको भनाइ छ । काग्रेस र नयां गठवन्धनले त्यस्तो अवस्थामा संविद्यान संशोधनका लागी मोर्चा संग सहमती गरेर अघि वढने कुरा भईरहेको नेताहरु बताउछन । काग्रेस र नयां गठवन्धनको शिर्ष नेताहरुले मोर्चाको माग सम्बोधन गर्ने लिखित सहमती गरे, त्यसकै आधारमा मोर्चाले भोटिंगमा सहभागी हुने छन । यो कुरालाई आजको बैठकमा सहभागी सदभावना नेता कर्णले समेत घुमाउरो रुपमा स्विकार गरेका छन । कर्णका अनुसार संविद्यान संशोधन पश्चात मात्रै सहभागी हुने छन । तर भोटिंग प्रक्रियामा सहभागी र नयां गठवन्धनलाई दुई तिहाईको समर्थनका लागी मोर्चाको मागमा लिखित प्रतिवद्धता आए प्रक्रियामा सहभागी हुन सक्ने कर्णको भनाई छ ।
 
संघिय गठवन्धनको बैठक भोली बस्दै 

 
१ जेठ देखि काठमाडौ केन्द्रित आन्दोलनको घोषणा गरेको मधेशी मोर्चा सहितको संघिय गठवन्धनले भोली बैठक डाकेका छन । शिर्ष नेताहरुलाई अनिवार्य उपस्थिती भनिएको भोलीको बैठक पछिल्लो समयमा उत्पन्न राजनितीक परिस्थिती वारेमा र यस परिस्थितीमा आन्दोलनलाई कसरी अगाडी वढाउनेमा केन्द्रित रहने नेताहरुले बताएका छन।

No comments:

Post a Comment