Friday, April 29, 2016

आन्दोलनरत गठवन्धनद्धारा सरकारी कार्यलयहरुमा कालो झण्डा गाडियो ।


आन्दोलनरत मधेशी मोर्चा सहितको संघिय गठवन्धनको पुर्व घोषीत कार्यक्रम अनुसार आज जिल्ला र क्षेत्रिय तहका सरकारी कार्यलयहरुमा कालो झण्डा गाडेका छन । सरकारको विरोध स्वरुपमा मोर्चा र गठवन्धनले सरकारी कार्यलयहरुमा यसरी कालो झण्डा गाडेको जनाएको छ । नयां सविद्यानको विरुद्धमा आन्दोलनरत मधेशी मोर्चा सहितको गठवन्धनले गएको १५ गते देखि पुन आन्दोलनमा होमिएका छन । बैशाख मसान्त सम्म जिल्ला र क्षेत्रिय तहको विरोध कार्यक्रमहरु सार्वजनिक गरेको गठवन्धनले १ जेठ देखि काठमाडौ केन्द्रित आन्दोलन गर्ने जनाएको छ । काठमाडौ केन्द्रित आन्दोलन अन्र्तगत गठवन्धनले मुख्य गरी सिहदरवार घेराउ कार्यक्रम सार्वजनिक गरेको छ ।


पछिल्लो चरणको आन्दोलन अन्र्तगत मधेशी मोर्चा सहितको संघिय गठवन्धनले ज्ञापन पत्र बुझाउने, कालो झण्डा गाडने र जिल्ला र क्षेत्रिय तहमा विरोध सभा गर्ने निर्णय अघिल्लो हप्ता मात्रै सार्वजनिक गरेका थिए । गठवन्धनका प्रवक्ता परशुराम तमाडका अनुसार पुर्व घोषीत विरोध कार्यक्रम अन्र्तगत आज काठमाडौ र तराई मधेश सहितका सवै जिल्लाहरुमा कालो झण्डा सरकारी कार्यलयहरुमा झुण्डियाइएको छ । गठवन्धनले यस अघि नै सवै जिल्लाहरुलाई वर्गीकरण गरेर प्रभावशाली पार्टीहरुलाई स्थानिय स्तरमा आन्दोलनको संयोजन गर्न जिम्मेवारी तोकि सकेका छन । जस अनुसार तराई मधेशका जिल्लाहरुमा मधेशी मोर्चा आबद्ध मधेशी पार्टीहरुले आन्दोलनको संयोजन गरीरहेको छ भन्ने पहाडी भेगमा आदीवासी जनजाती सम्बद्ध पार्टीहरु र संगठनहरुले आन्दोलनको संयोजन गरीरहेको छ ।
 

गठवन्धनले दुई दिन अगाडी मात्रै जिल्ला प्रशासन कार्यलय मार्फत प्रधानमन्त्रीलाइ आफनो मागहरुको २६ बुदे दस्तावेज त्रापन पत्र मार्फत पठाएको थियो । गएको माघको अन्तिम हप्ता मधेशी मोर्चाले बन्द र नाका केन्द्रित आन्दोलन फिर्ता लिए पनि प्रमुख दलहरु संग सार्थक संवादको वातावरण अहिले सम्म देखिएको छैन । आन्दोलनरत मोर्चा र गठवन्धनले प्रमुख दलहरु संवादका लागी गम्भिर नभएको आरोप लगाउदै आएका छैन । प्रमुख दलहरु संवाद मार्फत समस्या समाधान गर्न तयार नभएकै कारण आफुहरु पुन आन्दोलनमा गएको आन्दोलनरत पक्षको भनाइ छ । आन्दोलनरत मोर्चा र गठवन्धनले आउदो १ गते देखि हुने काठमाडौ केन्द्रित आन्दोलनले प्रमुख दलहरुलाइृ आन्दोलनकारीहरुको मुद्धाहरु सम्बोधन गर्न बाध्य हुने ठानेका छन ।

No comments:

Post a Comment