Monday, April 11, 2016

सिंघानिया हत्या काण्डमा संजय साह विरुद्ध मुद्धा दायर ।


पछिल्लो समयमा जनकपुरका संचारउद्यमी अरुण सिंघानियाको हत्या काण्डमा समेत मुछिएका संजय साह विरुद्ध जिल्ला प्रहरी कार्यलय धनुषाले अदालतमा मुद्धा दायर गरेका छन ।  प्रहरीले साह सहित उक्त घटनामा अन्य १७ जना माथी समेत मुद्धा दायर गरेको जिल्ला प्रहरी कार्यलय धनुषाले जनाएको छ । ०६६ साल फागुन १७ गते होली पर्वको दिनमा संचारउद्यमी सिघानियाको हत्या जनकपुरको शिव चौकमा भएको थियो । प्रहरीको पछिल्लो अनुसन्धानले सिंघानियको हत्याको मुख्य योजनाकार संजय साह नै रहेको खुलेको छ । त्यही आधारमा प्रहरीले उनी विरुघ मुद्धा चलाएका हुन । साह यस अघि नै जनकपुरको रामानान्द चौकमा ०६९ बैशाखमा भएको बम काण्डमा मुछिएर पछिल्लो समयमा जेलमै थिए । गएको १७ चैतमा प्रहरीले सिघनिया काण्डमै संग्लन एक जना सशसत्र समुह समुह चलाउने चन्द्रदिप यादव पक्राउ परे पछि संजय साहको सग्लनता रहेको पुष्टि गरेको थियो । चन्द्रदिप यादवले आफुले संजय साहकै १० लाख रुपैयामा सुपारी लिएर उक्त घटना घटाएको वयान प्रहरी समकक्ष दिएको छ । त्यस संगै साह संगै जनकपुर कम काण्डमा मुछिएका मुकेश चौधरीले समेत आफले सिघानिया हत्या काण्डको जिम्मा तत्कालिन समयमा साहकै दबाबमा लिएको बताएका थिए ।


कुनै वेला जनकपुरमा समान्य हैसियत भएका साहका अपराधकै आडमा पछिल्लो १५ बर्ष मै अपत्यारिलो ढंगले सम्पति मात्रै आजर्न गरेनन वरु उनले त्यसकै आडमा आफनो राजनितीक र समाजिक हैसियत समेत बनाएको देखिन्छ । जनकपुर बम काण्डमा साह मुछिए पछि प्रहरीले उनको वारेमा गरेको अनुसन्धानले उनले पछिल्लो १५ बर्षमा झण्डै १ अर्ब भन्दा वढीको सम्पति जोडेको देखिन्छ ।
 
पहिलो मधेश आन्दोलनमा खासै सक्रिय नरहे पनि साह आफनो हैसियतकै कारण मधेश आन्दोलन पश्चात भएको पहिलो संविद्यान सभामा फोरम नेपालमा महत्वपुर्ण राजनितीक हैसियत पायो । पहिलो मधेश आन्दोलनताका जनकपुर क्षेत्रमा सक्रिय कयौन मधेशी अनुहारहरुलाइृ माइनस गर्दै तत्कालिन अवस्थामा फोरम नेपालका अध्यक्ष उपेन्द्र यादवले उनलाई त्याहावाट टिकट दिन पुगे । जसको फोरम नेपाल भित्र व्यापक विरोध समेत भएको थियो । तर साहलाई खासै फरक परेनन । वरु उनी राजनितीमा थप वलियो हुदै गयो ।
 
पछिल्लो पटकमा उनी सिघानिया हत्या काण्डमा मुछिए पछि जनकपुरमा क्षेत्रमा उनको परिवार र उनी निकटस्त केहि नेताहरु नेताहरुले त्यसलाई राजनितीक रंग समेत दिन खोजेको देखिन्छ । जसका लागी उनको पत्नीलाई अघि सार्दै आइरहेको छ । यद्यपी जनकपुर बम काण्ड देखि सिघानिय हत्या काण्ड सममको मुख्य योजनकारको रुपमा साहको अनुहार मुखरित भए पश्चात त्यसले खासै फरक पार्ने सम्भावना छैन ।
 
सिघानिया हत्या काण्डमा साहको संग्लनता रहेको अधिकारिक सार्वजनिक प्रहरीले गरेकै दिन उनको पत्नीले जनकपुरमा पत्रकार सम्मेलन गरेर आफनो सहको पोलिग्राप गर्न माग गरेको थियो । त्यस लगतै प्रहरी मुख्यालयवाट पोलीग्राफ मेसिन सहित एउटा टोली जनकपुर पुगेको थियो । साह जनकपुर बम काण्डमा पनि पोलिग्राफ जाचवाटै तानिएका थिए । सिघानिया हत्याकारण्डमा उनको पत्नीको त्यो जाचको माग गरेपछि प्रहरीले उक्त मेसिन जनकपुर पठाए पनि साहले पोलिग्राफ गर्न नै नमानेको स्थानिय प्रहरी अधिकारीहरुले बताउका छन । सुरुमा साहले पनि हुन्छ भने, पछि काठमाडौवाट जनकपुर उक्त मेसिन पुगे लगतै उनी प्रहरी हिरासत भित्रै आफु अनसन बसेको भन्न थाल्यो । पोलिग्राप जाचमा राख्दा खेरी खाना खाएको अनिवार्यता हुन्छ । अनुसन्धानमा खटेको एक अधिकारीका अनुसार साहले पोलिग्राप दिन नमाने पछि काठमाडौवाट गएको टोली तीन दिन त्याहा बसेर त्यतीकै फर्किसकेका छन ।
 
उक्त घटनामा संग्लनमा विभिन्न पक्षको वयानको आधारमा प्रहरीले फेला पारेको प्रमाणकै आधारमा आइतवार अदालतमा उनी विरुद्ध मुद्धा दायर भइृसकेको छ । यद्यपी साहले आफुले चन्द्रदिप यादव, मुकेश चौधरी सहित अन्य कसैलाई पनि नचिनेको वयानमा भनेका छन । जनकपुर कम काण्डमा समेत साहले आफुले यसैगरी मुकेश चौधरी लाई नचिनेकोे बताएका थिए ।

No comments:

Post a Comment