Saturday, April 19, 2014

अर्को गल्ती तिर लम्कदै मधेशी नेतृत्वहरु


 
गएको सातामा दुई पटक एमाओवादी र मधेशी नेतृत्वहरु बिच गठबन्धन बनाउने गरी बैठक भएको समाचारहरु आएका छन । शनिवार भएको बैठकपछि त कतिपय मधेशी नेताहरु चाडै डकुमेन्टेसन गरी गठबन्धनलाई व्युताउन लागेको समेत बताए । मधेशी नेतृत्वहरु किन अहिले फेरी एमाओवादीसंग गठबन्धन बनाउन लागेका हुन । यसको उत्तर आफैमा अनुत्तरित छन । कतिपय संघीयतावादी भएकाले एमाओवादी र मधेशीको गठबन्धन भएमा त्यसले संविधानसभामा थप उर्जा मिल्ने बताउने गरेका छन । तर संविधानसभामा गणितीय खेल शुरु हुने वितिकै यी दुई शक्ति एक ठाउमा उभिदैमा केही फरक पर्ने सम्भावना छैन । त्यसो भए किन मधेशी नेतृत्वहरु एमाओवादीहरु संग घुलमिल गर्न थालेका हुन ।
 
एउटा तितो यर्थातमा भखैरै मधेश राजनिती गुज्रेको छ । विगतको पहिलो संविधानसभाको पुछारतिर एमाओवादी संग मधेशी मोर्चाले गरेको गठबन्धन कति हानिकारक सावित भएको कुरालाई मधेशी नेतृत्वहरु आकंल गरेका छ कि छैन ?

मधेशको मुद्धाको सवालमा एमाओवादी कांग्रेस, एमाले भन्द्या के भिन्न छ, त्यसको जवाफ मधेशी नेतृत्वहरु दिन सक्ने अवस्था छ ? वरु यसले मधेशी पार्टीको क्षयीकरण वाहेक अरु केही गर्न सक्दैन । दोस्रो संविधानसभाको क्रममा सिरहामा मधेशी र एमाओवादी गठबन्धनको वारेमा यो आवाज वडो गम्भिरतापुर्वक त्याहाका केही वुद्धजिवीहरुले उठाएका थिए । हामी किन मधेशी पार्टीहरुलाई भोट दिन्छौं, जव हाम्रा नेताहरु नै भन्छन कि मधेश मुद्धाप्रति एमाओवादी ठिक छ, त्यसो भए हामी एमाओवादीलाई नै भोट हाल्छौ नि, किन मधेशी पार्टीहरु लाई । भलही त्यो भोट यसपाली एमाओवादी गएको अनुभुती त भएन पछि । एमाओवादी संग विगतमा गठबन्धन भएकै कारण मधेशी पार्टीहरुले आज  हामी ले यो यो उपल्ब्धी गर्यो भनेर भन्न सक्छन ? आखिर गठबन्धनमै भएकै बेलामा मधेशमा पांच प्रदेश बनाउने सहमती भएन । जुन मधेशी जनतामा सडकमा आएका कारण लागु हुन सकेन । त्यसपछि एमाओवादी भित्रको मधेश निती आफैमा विवदास्पद छ । त्यसकै कारण त्याहा मातृका यादव देखि जयकृष्ण गोईत सम्मका नेताहरु अटन नसकेर पलायन भएका हुन ।

दोस्रो संविधानसभाको निर्वाचनपछिको एमाओवादीले डाकेको बैठकमा विजय गच्छदार सहभागी हुन इन्कार गरेका थिए भने सहभागी भएर पनि महन्थ ठाकुरले एमाओवादीसंग गठबन्धन नबन्ने बताएका थिए । अहिले आएर एकाएक विजय गच्छदार देखि महन्थ ठाकुर हुदै उपेन्द्र यादव र राजेन्द्र महतो सबै सहभागी भईरहेको समाचारहरु आउने गर्छ । के साच्चिकै यी नेताहरु एमाओवादीसंग गठबन्धन बनाउन लागेकै हुन । यदी हो भने यी मधेशी नेतृत्वहरुको अर्को राजनिती महाभुल हुदैछ । जसले यीनीहरुलाइ सिध्याउने वाहेक अरु केही गर्दैन ।

1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार को लागि व्यक्तिगत ऋण चाहिन्छ? हामी तपाईं रुचि हो भने तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com यस इमेल मा हामीलाई सम्पर्क, 3% ब्याज दर मा ऋण दिन

    ReplyDelete