Thursday, April 3, 2014

के महन्थ ठाकुरले आफनो राजनितीक हत्या गर्लान ?


मन्त्रीपरिषदवाट २६ जनाको मनोयनको गृहकार्य चलीरहेको बेला हिजो बुधवार प्रधानमन्त्री सुशिल कोईरालाले तराई मधेश लोकतान्त्रिक पार्टीका अध्यक्ष महन्थ ठाकुरलाई भेटेर छलफल गरेका छन । उक्त छलफलसंगै ठाकुर २६ को कोटामा मनोनित हुने चर्चा सर्वत्र हुन थालेका छन । यद्यपी ठाकुरले यस बारेमा केही बेलेका छैन । तर तमलोपा भित्रै केही समय देखि यसको वारेमा अडकलवाजी हुदै आएका थिए । ठाकुरको मनोयनलाई कतिपय तमलोपाकै अगुवा नेताहरुले सुनिश्चित भएको बताउदै आएका छन । तर के ठाकुर साच्चिकै २६ को कोटामा मनोयन हुन लागेकै हुन त ? दोस्रो संविधानसभामा सर्लाही क्षेत्र नम्बर ६ वाट पराजित भएका ठाकुर पहिलो संविधानसभामा पनि मनोनित भएरै सभासद भएका थिए । उनी प्रत्यक्ष तिर पहिलो संविधानसभामा पनि पराजित भएका थिए । दुइ दुई पटक लागातार पराजित हुनु र यस पाली त सम्रग पार्टी नै नराम्ररी पराजित भएको वेला ठाकुर २६ को कोटावाट सभासद मनोयन हुनु कतिको उचित होला उनको राजनितीक भविष्यको लागी ?

दोस्रो संविधानसभामा पार्टी र आफु नराम्ररी पराजय व्योहोरेपछि ठाकुरले पार्टी कार्यलयमा भएको एउटा बैठकमा आफुहरुलाई मधेशी जनताले सदन होइन सडकमा  हेर्न चाहेकाले अब आफुहरु सडकमै रहने घोषणा गरेका थिए । पार्टीको दोस्रो तहका नेताहरु त्यसले उत्साहित भएको देखिएका थिए । तर त्यसको केही दिन नबित्दै यी नेताहरुले ठाकुरजी फेरी २६ मा जान लागेको भन्दै निराशा व्यक्त गरेको पाइन्थ्यो । खासगरी सुशिल कोईराला प्रधानमन्त्री बन्दा देखि मधेशी पार्टीवृतमा उक्त कुराको व्यापक चर्चा भएको देखियो । जे भए पनि आजको मितीमा सम्रग मधेशी पार्टीहरुको संगै ठाकुरको राजनिती पनि ओरालो लागेको छ र नेतृत्वको वढेको अलोकप्रीयतामा ठाकुर पनि पछाडी छैन । खासगरी समानुपातिक उम्मेदवारीमा भएको गलत अभ्यासे ठाकुरलाई पनि गिजेलेकै छन । सम्धीनी इन्द्र झा देखि केदारनन्दन चौधरी सम्मका लाई सभासद बनाउनाले ठाकुरको राजनितीक उचाईलाई घटाएकै छन ।

मधेश आन्दोलनसंगै नेतृत्वको रुपमा उदाएका उपेन्द्र यादवको असफलता संगै मधेश राजनितीमा नयां नेतृत्वको खाजी भईरहेकै छन । त्यही सन्दर्भ लामो प्रजातान्त्रिक इतिहास बाकेका ठाकुरलाई धेरैले त्यही नजरले हेर्ने गर्थे । र आशाको केन्द्रको रुपमा व्याख्या गर्थे । तर अन्तह उनी पनि असफलताकै वाटोमा गएको विश्लेषण छ धेरैको । त्यसको धेरै कारणहरु हुन सक्ला, प्रथमतह उमेर र स्वाथ्य अवस्था दुवै कारण लगायत अन्य अरु कारणहरु पनि होला । तर पनि ठाकुर आफनो राजनितीको यो अन्तिम कालखण्ड चाहेको भए अत्यन्तै गौरवशाली रुपमा समाप्त गर्न सक्थे । तर आजको मितीमा उनी चुकिसकेका छन । भविष्यको राजनितीक मोड र ठाकुरको अवस्था के होला त्यो त अहिले नै ठाकुवा गरेर भन्न सकिदैन तर ठाकुरको लागी कम से कम अहिले २६ कोटामा मनोयन हुन हानीकारक नै हुनेछ ।
स्वयंममा लामो ईमान्दारिता र स्वच्छ राजनितीको अनुभव बोकेको व्यक्तिको नाम हो महन्थ ठाकुर । र काग्रेस राजनिती त्याग गरेर मधेश राजनितीमा छिर्नुले पनि उनको उचाईले वढाएकै छन । तर उचाईमा पुग्नु संगै त्यसलाई सफलतापुर्वक व्यवस्थापन गर्नु पनि त्यसका लागी त्यतीकै महत्वपुर्ण हुन्छ । ठाकुरको मधेश राजनितीमा आवागमले मधेशलाई धेरै फाइृदा भएको कुरामा कुनै दुईमत छैन । परम्परागत रुपमा रहेका हजारौ मधेशी ततपश्चात सोच्न बाध्य भएकै थिए । जसको जस ठाकुरलाई नै जान्छ । तर गएको ५ बर्षमा मधेशी पार्टीको नेतृत्वको कमजोरीले मधेश राजनिती जुन क्षती व्योहोरेका छन त्यसको अपजस पनि ठाकुर लगायतका मधेशी नेतृत्व प्रति आजको मितीमा छ र आम मधेशी यी नेतृत्व प्रति तीव्र असन्तुष्ट छन । यस्तो बेला ठाकुर पार्टीलाई पुर्नसंरचना गर्दै आम मधेशीको चाहना बमोजीम  सडक तिर नरहेर के सदनमा प्रवेश गर्ला ? त्यो उनी स्वयंमले आरोप लगायत काग्रेस र एमाले जो उनकै भाषामा षडयन्त्रपुर्वक उनलाई र उनको पार्टीलाई निर्वाचनमा नराम्ररी पराजीतको नतिजा उनलाई थमाएका थिए । कतिपयको बुझाई यदी ठाकुर यी र यस्ता अनेकन कुराहरुलाई नजर अन्दाज गर्दै यदी २६ कोटाको यात्रामा लम्कीए उनले स्वयंम आफनो राजनितीको हत्या आफैले गर्लान । त्यसमा कुनै दुइमत छैन । 

1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार को लागि व्यक्तिगत ऋण चाहिन्छ? हामी तपाईं रुचि हो भने तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com यस इमेल मा हामीलाई सम्पर्क, 3% ब्याज दर मा ऋण दिन

    ReplyDelete