Tuesday, April 8, 2014

यो के हो महोदय ?



सोमबार मधेशसंग सम्बन्धीत ५ ओटा संघसंस्थाले संयुक्त ध्यानकार्षन विज्ञप्ति निकाल्दै संजय साहको वारेमा सदभावना पार्टीको आवाज मा सही थप्दै साहको बचाउमा जुटेको देखिन्छ । आफुलाई पुर्ण रुपमा स्वतन्त्र भनाउने यी संस्थाहरुले संजय साहको लागी नै मुख्यगरी विज्ञप्ति निकाले देखिन्छ । हुनत अरु विभिन्न मुद्धाहरु समावेश गर्दै साहको मुद्धा पनि एउटा वुद्धामा मात्रै समेटेको कतिपयले भन्नालान । तर, उदेक लाग्दो कुरा त के भन्ने यसमा मधेशी पत्रकारहरुको प्रतिनिधीत्व गर्दै आएको दाबी गर्ने मधेशी पत्रकार समाज देखि आम मधेशी नागरिकको पक्षमा अभियान चलाउने मधेशी नागरिक समाज पनि छन ।


मिती  २०७0/१२/२४ गते
ध्यानाकर्षण
आन्तरिक औपनिवेशिकरणको सिकार मधेशमाथि राज्य आंतक बढ्दै गएको छ । मधेश आन्दोलनपछि दमनको कडी शिथिल भएको महसुस भएपनि राज्यले मधेशलाई ठुलो षड्यन्त्रमा पारेको प्रमाणहरु फेला पारेका छन् । मधेशका राजनीतिकर्मीहरुलाई एकपछि अर्को गरी झुठा आरोपमा फसाएर समाप्त परिदैछ भने मधेशमा प्रहरी प्रशासनद्धारा गैरन्यायिक हत्याको श्रृखला अझै रोकिएको छैन् । सशस्त्र समुहलाई निर्मुल पार्ने नाउँमा मधेशमा युवा शक्तिलाई जेलमा हालिएको छ । मधेशीमाथि सुनियोजित ढंगले प्रहार गरिदैछ भने समावेशीकरण तथा संघीयताका मुद्दालाई विचिलित गर्ने विभिन्न प्रोपागान्डा रचिएको छ । तसर्थ, उपनिवशेबाट मुक्त गराउन तथा राज्य आतंकबाट मधेशलाई जोगाउन हामी यहाँको ध्यानकार्षण गराउदछौं ।

ध्यानाकर्षणका मुद्दाहरु स्
१, मधेशमा व्याप्त गैरन्यायिक हत्याको श्रृखंला अविलम्ब रोकियोस् र अन्र्तराष्ट्रिय निकायद्धारा छानविन गराईयोस् ।
२, सशस्त्र समुहका नेता कार्यकर्ताहरुको गैरन्यायिक हत्या गर्ने क्रमको अन्त्य गरी तत्काल उनीहरुसँग वार्ताको प्रक्रिया पुनःथालनी गरियोस् ।
३, सभासद् संजय साहमाथि लगाईएको आरोपको छानविनको लागि तत्काल उच्चस्तरीय छानविन आयोग गठन गरियोस् ।
४, प्रवेशिका परिक्षाको दौरान धनुषामा प्रहरीद्धारा छात्राहरुमाथि गरिएको अभद्र व्यवहारको तुरन्त छानविन गरियोस् र घाइते छात्रहरुको अविलम्ब उपचार गराई उनीहरुको लागि पुनः परिक्षाको व्यवस्था मिलाइयोस् ।
५, दैनिक जसो मधेशमा भईरहेको आगलगीबाट पिडीत जनतालाई तत्काल राहत उपलब्ध गराइयोस् ।
६, सञ्चारमाध्यमलाई समावेशी गर्ने सम्वन्धि उच्चस्तरीय आयोगको प्रतिवेदनलाई तुरन्त कार्यान्वयन गरियोस् ।
७, रिक्त रहेका संवैधानिक निकायका पदहरुमा सार्थक समावेशी र समानुपातिक ढंगले नियुक्ती गरियोस् ।
८, पत्रकार विपी साहमाथि भएको सांघातिक आक्रमणको छानविन गरियोस् र पिडीत पत्रकारलाई क्षतिपुर्ति प्रदान गरियोस् ।
९, मधेश आन्दोलनताका राजधानी काठमाडौंबाटै वेपता पारिएका जितेन्द्र साहको अबस्थाबारे सत्यसत्य सार्वजनिक गरियोस् ।
१०, समावेशीकरण र संघीयताका मुद्दालाई ओझेलमा पार्ने हर्कत तत्काल रोकियोस् ।

अभियानकर्ता संगठनहरु
मधेशी नागरिक समाज
मधेशी कानुन व्यवसायी समाज
मधेशी प्रोफेशनल एलायन्स
मधेशी पत्रकार समाज नेपाल
मधेशी सांस्कृतिक कलाकार संघ


1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार को लागि व्यक्तिगत ऋण चाहिन्छ? हामी तपाईं रुचि हो भने तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com यस इमेल मा हामीलाई सम्पर्क, 3% ब्याज दर मा ऋण दिन

    ReplyDelete