Wednesday, February 19, 2014

किन असम्भव देखिन थाले एकिकरण ?


प्रमुख तीन मधेशी पार्टी विचको एकिकरण फेरी एक चोटी असम्भव देखिन थालेका छन । यस अघि आफैले तय गरेको बैठकमा अनुपस्थित भएर उपेन्द्र यादव त्यसको जनाउ दिईसकेका छन । यद्यपी नेताहरुले यादव काम बिशेषका कारण विराटनगर गएको भन्दै फर्केपछि अर्को बैठक हुने बताएका थिए । तर उपेन्द्र यादव निकटस्तहरुका अनुसार यादव पछिल्लो केही हप्तायता एकिकरण प्रक्रियावाट टाढिन थालेका छन । तर वाहिर सार्वजनिक रुपमा उनले अहिले सम्म मुख भने खोलेका छैनन । स्रोतका अनुसार पछिल्लो तीनै शिर्ष नेताहरुको बैठकमा सदभावनाका अध्यक्ष राजेन्द्र महतोले ठाकुरको अध्यक्षतामा एकिकरण घोषणा गरौ भने प्रस्ताव राखेका थिए । त्यसप्रति यादवले हो वा होईन भन्ने जवाफ दिएन वरु आफु पछि विचार गरेर भन्ने बताए । तर महतो र ठाकुरले यो प्रक्रियालाई  लम्ब्याउनु हुदैन भनेर कार्यदलसहितको बैठक प्रस्ताव गरेपछि यादवले हुन्छ भनेर त्याहावाट बाहिरिएका थिए ।

आफैले  हुन्छ भनेर तय गरेको बैठकको एक दिन अगाडी नै यादवले आफना एकजना निकटस्त नेतासंगको भलाकुसारीमा एकिकरण असम्भव रहेको जनाउ दिएका थिए र विराटनगर तिर होमिए । खासमा विराटनगरमा उनी पार्टीको जिल्ला गतिविधीमा सहभागी हुन गएका थिए । त्याहा उनका केही निकटस्त जिल्लास्तरका नेताहरुले केन्द्रमा चलिलरहेको एकिकरणको प्रसंगवारे सोध्दा यादवले एकिकरणको कुनै सम्भावना नरहेको भन्दै पार्टीको गतिविधी आफनो ढंगले वढाउन सबैमा आग्रह गरेका एक नेताको भनाई छ ।
यसरी चुनाव पश्चात काठमाडौमा मधेशी नेताहरुको एउटा तप्काले एकिकरण हुन लाग्यो र त्यसको झझल्को पनि सबै पक्षवाट आउन थालिएको थियो तर फेरि किस असम्भव जस्तो देखिन थालेका छन ? त्यसो भए असम्भव रहेको मधेशी पार्टीहरु विचको एकिकरणको मुद्धालाई किन पटक पटक सनियोजित रुपमा उचालिन्छ ?

जानकारहरुको बुझाईमा उपेन्द्र यादव ठाकुरलाई सर्वमान्य नेताको रुपमा राखेर आफु अध्यक्ष भए मात्रै एकिकरणको पक्षमा देखिन्छ जुन कुनै पनि अवस्थामा तमलोपा र सदभावनाका नेताहरु मान्न तयार होला जस्तो देखिन्न । यादवसंग हालै कुराकानी गरेका एक नेताका अनुसार यादव ठाकुरप्रति सम्मान गरेपनि ठाकुरलाई अध्यक्ष मानेर जाने पक्षमा छैनन । ठाकुरलाई अध्यक्ष मानेर यादव कार्यकारी अध्यक्ष भएर पार्टी एकिकरण गर्ने पक्षमा नरहेको ती नेताको बुझाई छ । यादवले ठाकुरजी अब उमेर र स्वास्थ्य दुवैका कारण सक्रिय हुन गाहे रहेको भन्दै उहालाई आफुहरु सर्वमान्य नेताको रुपमा ठाकुरलाई राख्न खाजेको बताएका थिए ।
त्यसो भए के उपेन्द्र यादवलाई अध्यक्ष मानेर राजेन्द्र महतो पार्टी एकिकरण गर्न तयार हुन्छ त ? यो कुरा पनि असम्भव देखिन्छ । हुनत तमलोपा अध्यक्ष ठाकुरका महारथी सर्वेन्द्रनाथ शुक्लाले ठाकुरको अध्यक्षता विना पार्टी एकिकरण हुन नसक्ने खालको आशय प्रगट गरिसकेको छ । त्यसो फेरी हाल चलिलरहेको एकिकरण हल्ला हाथी आयो हाथी आयो फुस्स नै हुने भईसक्यो त ? एक नेता भन्छन, एकदुई दिन भित्रै बस्न लागेको बैठकले त्यसको छिनोफानो गर्दै छ । 


   

1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार को लागि व्यक्तिगत ऋण चाहिन्छ? हामी तपाईं रुचि हो भने तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com यस इमेल मा हामीलाई सम्पर्क, 3% ब्याज दर मा ऋण दिन

    ReplyDelete