Monday, December 9, 2013

हामी उत्साहित छौ - वेदप्रकाश – प्रमुख, हिन्दू स्वंयमसेवक संघ, नेपाल

 भारत आसामका वेदप्रकाश उपाध्याय विगत चार बर्ष देखि हिन्दू स्वंयसेवक संघ नेपालका प्रमुखको रुपमा काठमाडौमा सक्रिय छन । वेदप्रकाशजीको नामले  जानिने उनी भन्छन, दोस्रो संविधानसभाको परिणमले हामी उत्साहित छौ । उनीसंग गरिएको कुराकानी -
 
हामी ढुक्क के मा छौ भन्ने अब कम से कम हिन्दू राष्टको वारेमा जनमत संग्रहको वातावरण बन्छ । 

हिन्दू राष्टको वारेमा जनमत संग्रह होस भन्ने हाम्रो चाहना हो । र त्यसका लागी हामी राजनिती माहौल तयार पार्दै छौ ।
 

साकारात्मक कुरा त के हो भन्ने कांग्रेस ठुलो पार्टीको रुपमा आएको छ । जाहा धेरै हिन्दूवादीहरु छन ।
 
विजेपी सत्तामा आउदा त्यसले नेपालको वारेमा धेरै फरक नपर्ला खाली हामीलाई काम गर्न सजिलो हुनेछ ।

                          वेदप्रकाश – प्रमुख, हिन्दू स्वंयमसेवक संघ, नेपाल


हिन्दू धर्मको नारा दिएर राप्रपा नेपाल चौथौ शक्तिको रुपमा आउदा त तपाईहरु खुशी हुनुभएको होला नि ?  
-  होईन, हामी कसैको एउटाको समर्थन वा विरोध गर्दैनौ । तर हिन्दू धर्मको रक्षाको लागी जो जो अगाडी आउछ, सबैलाई सहयोग गर्छौ । जाहा सम्म यो निर्वाचनको परिणामको कुरा गर्नु हुन्छ, निश्चित रुपमा हामी उत्साहित भएका छौ । हामी कुनै व्यक्ति विशेष वा पार्टी विशेष केन्द्रित थिएनौ तर हिन्दू धर्मको वारे हामी सबै ठाउवाट साकारात्मक वातावरण वनाउने काम चाही गरेकै हौ । जसको फाईदा कमल थापा नेतृत्वको राप्रपाले लिएको छ । त्यसको विभिन्न कारणहरु छन ।
उसो भए के अब नेपालमा हिन्दूत्वको नारा राजनितीक रुपमा अगाडी वढछ त ?  
-  हेर्नुस सबै पार्टीहरुमा हिन्दूवादीहरु छन । अब त्यो सबै अगाडी आउनेमा हामी विश्वस्त छौ । साकारात्मक कुरा त के हो भन्ने कांग्रेस ठुलो पार्टीको रुपमा आएको छ । जाहा धेरै हिन्दूवादीहरु छन । हामी ढुक्क के मा छौ भन्ने अब कम से कम हिन्दू राष्टको वारेमा जनमत संग्रहको वातावरण बन्छ ।
ए, उसो भए हिन्दू राष्टको वारेमा तपाईहरु जनमत संग्रह होस भन्ने चाहन्नु हुन्छ ?  
-  हो हिन्दू राष्टको वारेमा जनमत संग्रह होस भन्ने हाम्रो चाहना हो । र त्यसका लागी हामी राजनिती माहौल तयार पार्दै छौ ।
तर कमल थापाले नै हिन्दू राष्ट र राजतन्त्रको मुद्धालाई छाडने संकेत गरेका छन त ?   
- हामी कुनै पार्टी विशेष वा व्यक्ति विशेष छैनौ । हो कमल थापाले पाएको सभासदको संख्यामा हाम्रो विभिन्न भुमिका अहम छ । तर हामी उनी प्रती मात्रै केन्द्रित छैनौ । हाम्रो मान्छे अर्थात हिन्दूवादी सबै पार्टी धेरैको संख्यामा छन त्यसैले अब चाडै एउटा साकारात्मक माहौल तयार हुन सक्छ ।
के भारतमा विजेपीले सत्तामा आउने लागको छाटकाटले त्यस्तो माहौल बन्छ भन्ने तपाईहरुको बुझाई हो ?  
-  भारतमा विजेपी सत्तामा आउन लागेको कुराले हामी मात्रै होइन कि संसार भरीका हिन्दूहरु उत्साहित छन । हामी त झन नहुने कुरै भएन तर भारतमा विजेपी सत्तामा आउदा त्यसले नेपालको वारेमा धेरै फरक नपर्ला खाली हामीलाई काम गर्न सजिलो हुनेछ ।
भारत आफै धर्मनिरपेक्ष छ अनि नेपाल चाही किन हिन्दू राष्ट हुनु पर्यो भनेर त्याहाका हिन्दुवादी नेताहरु लागी परेको देखिन्छ ?  
- भारतको स्वयंम अनुभवले हामी अली चिन्तित छौ ।
राजपरिवारसंग पनि त यसवारेमा कुराकानी भइरहेको होला नि ?  
- होईन, हाम्रो राजपरिवार संग औपचारिक रुपमा कुनै सम्बन्ध छैन । नेपाल जनताले राजपरिवारलाई फालिसकेका कारण हामी त्यसको पक्षमा छैन । नेपाली जनता हिन्दू राष्टको पक्षमा छ भन्ने हाम्रो बुझाई हो । निर्वाचनको जनमतले पनि त्यो देखाउछ । त्यसैले हामी हिन्दू गणतन्त्रको पक्षमा छौ । 
नवीन झा

1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार को लागि व्यक्तिगत ऋण चाहिन्छ? हामी तपाईं रुचि हो भने तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com यस इमेल मा हामीलाई सम्पर्क, 3% ब्याज दर मा ऋण दिन

    ReplyDelete