Thursday, September 26, 2013

श्यामसुन्दर गुप्ता द्धारा शोभराजको सिको


जेलमा रहेका पूर्वमन्त्री श्यामसुन्दर गुप्ताले योजनावद्ध रुपमा प्रहरीलाई विषादीयुक्त खाना दिएको प्रहरी अनुसन्धानले देखाएको छ । महानगरीय प्रहरी आयुक्त कार्यालयले गरेको प्रारम्भिक अनुसन्धानले घटना योजनवद्ध हुनसक्ने आँकलन गरेको  छ ।   घटनामा गुप्तामाथि शंका गर्ने धेरै आधार देखिएका छन् । प्रहरी स्रोतका अनुसार गुप्ताका छोराले दरबारमार्गस्थित केएफसीबाट ल्याएको मासु प्रहरीलाई मात्र खान दिएका थिए ।   त्यस्तै, खाना र कोल्डड्रिंकस खाएर केही प्रहरी बेहोस भइसकेपछि गुप्ताका छोरा भाष्करले बिरामी भएको नाटक गरेको हुनसक्ने प्रहरी अनुसन्धानमा देखिएको छ ।

शंका गर्ने ठाँउ भएपछि भाष्करले आफू पनि बिरामी भएको नाटक गरेजस्तो देखिन्छ,ु अनुसन्धानमा आवद्द एक प्रहरी अधिकारीले भने । प्रारम्भिक अनुसन्धानमा शंकास्पद देखिएपछि अस्पतालमै रहेका गुप्ताका छोरा भाष्करलाई प्रहरीले नियन्त्रणमा राखेको छ । गुप्ता भने बिहीबार डिल्लीबजार कारागार फर्किसकेका छन् । घटनाकव छानबिन गर्न महानगरीय प्रहरी आयुक्त कार्यालयले बिहीबार एसएसपी हेमन्त पालको नेतृत्वमा तीन सद्स्य छानबिन समिति गठन गरेको छ ।

सुन्धारास्थित केन्द्रीय कारागारमा रहेको अन्तर्राष्ट्रिय कुख्या अपराधी चाल्र्स गुरुमुख शोभराज प्रहरीलाई विषादी मिसाइएको खाना खुवाएर नै भारतको जेलबाट भाग्न सफल भएका थिए । उनले आफ्नो जन्मदिनको पार्टीमा फलफूलमा विष मिसाएर प्रहरीलाई बेहोस पारी सन् १९८६ मा भाग्न सफल भएका थिए ।

आफ्नो जन्मदिनको पार्टी मनाउन भन्दै फलफूलमा विषादी मिसाएर खाना दिइ प्रहरालाई बेहोस बनाई शोभराज भागेका थिए । डेढ वर्षदेखि जेलमा रहेका गुप्ताले पनि त्यस्तै योजना गरेको प्रहरी अनुमान छ । उनले योजनाबद्ध रुपमा नै अस्पताल भर्ना भएको र भाग्ने प्रयास गरेको प्रहरी अधिकारीको आशंका छ ।

व्यापारी पवन संघाईको अपहरण मुद्दाम २०६८ माघमा पक्राउ परेका गुप्ता पूर्वपक्षका लागि थुनामा छन् ।

1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: तपाईं यस इमेल मा चासो सम्पर्क LUS हो भने हामी, 3% ब्याज दर मा ऋण दिन

    ReplyDelete