Sunday, September 22, 2013

गोईत -ज्वालाको गठजोड

मधेशमा सशस्त्र संघर्ष शुरु गर्ने प्रमुख दुई व्यक्ति एकै ठाउमा उभिएको घोषणा गरेका छन ।
नवीन झा

२८ भदौमा सर्लाही सदरमुकाम मंलगवाको नापी कार्यलयमा भएको शक्तिशाली बम बिस्फोटको जिम्मा लिएका जयकृष्ण गोईत र ज्वालासिंहले २९ भदौमा कार्यगत एकता गरेको घोषणा गरे । एक अर्काको नाम समेत नसुन्ने यी दुई बिचको कार्यगत एकताले तराई मधेशको सशस्त्र आन्द्योलन पनि आश्चर्यजनक मोड लिएको जानकारहरु बताउछन । साथै उनीहरुले कार्यगत एकता गर्दा आउदो निर्वाचन विरुद्ध सशक्त भएर पनि उभिने जनाएका छन ।
०६१ सालको साउनमा संगै सशस्त्र सघर्षमा होमिएका गोईत र ज्वाला १ बर्ष पनि संगै बस्न सकेका थिएन । गोईतको नेतृत्वमा सुरु भएको जनतान्त्रिक तराई मुक्ति मोर्चा नामक संगठनमा ज्वाला पुर्वी ईन्चार्जको रुपमा काम गर्दै थिए । तर काम संगै सुरु गरेको ११ महिनामै ज्वाला गोईतप्रति असन्तुष्टि जनाउदै ०६२ असारमा आफनै नेतृत्वमा छुटै संगठन खोलेका थिए । 

                                      ज्वाला                                      गोईत
ज्वालाले छुटै पार्टी बनाउदाको एक सहयात्री तथा उनका तत्कालिन प्रवक्ता समेत रहेका राम बृक्ष महतो भन्छन, अहिले गोईत र ज्वाला विच भएको सहकार्यले मधेशको राजनितीमा ठुलै उथलपुथल ल्याउला जस्तो लग्दैन तर आउदो निर्वाचनमा केही ठाउमा आफनो हिंसात्मक उपस्थिती भन्ने देखाउन सक्छ । हाल वार्ता प्रक्रियामा आईसकेका महतोका अनुसार ज्वाला र गोईत आजको अवस्थामा पनि एक भएर ठुलो शक्ति बन्ने अवस्था छैन । ज्वला र गोईतसंगै काम गरेका महतो पछिल्लो घटनालाई आश्चर्यजनक मान्छन । ज्वाला र गोईत एक अर्काको नाम समेत नसुन्ने दुई पात्र हुन, महतो भन्छन, तर आज एक भएको सुन्दा मलाई पनि आश्चर्य लागेको छ । 
०६१ साउन ११ गते एउटा विज्ञप्ति निकाली नेपालमा ‘तेस्रो बन्दुक’को उदय भएको घोषणा गरेका गोईत त्यस अघि माओवादीका भातृ संगठन ‘मधेशी राष्ट्रिय मुक्ति मोर्चा’का अध्यक्ष थिए । ०६१ ऋसार ३० गते चितवनमा माओवादी नेतृत्वको उपस्थितमा मधेशी राष्ट्रिय मुक्ति मोर्चाको सम्पन्न राष्ट्रिय भेलाले मोर्चाको अध्यक्षमा मातृका यादवलाई अध्यक्षको जिम्म्ेवारी दिएका थिए । उक्त निर्णय प्रति उनले असहमती जनाउदैं तीन जना कार्यकर्तालाई लिएर विहारको मधुवनी जिल्लामा पर्ने ‘विक्रमश्ोर गाविस’ पुगेका थिए । तत्कालिन अवस्थामा उनीसंग विश्वनाथ पाण्डे सहित तीन जना मात्रैं नेता रहेको भित्रियाहरु बताउछन । ११ साउनमा विक्रमशेर गाविस वाटैं एउटा विज्ञप्ति निकाली उनले स्वतन्त्र तराईको माग गर्दै सशस्त्र आन्दोलनको घोषणा गरेका थिए । उक्त विज्ञप्ति मार्फत उनले सप्तरीका तीन जना पहाडी मुलका कर्मचारीलाई सात दिन भित्र तराई छाडन उर्दी समेत जारी गरिएको थिए । 
मधेशमा सदभावना पार्टीको स्थापनाकाल देखि नैं मधेशवादी राजनितीमा सक्रिय सप्तरीका नेता भोला प्रसाद मुखिया भन्छन ‘यसले एउटा अध्यायको समाप्त गरेर, अर्को अध्याय मधेशी राजनितीलाइ नयां उठान गर्न छन ।’ विगतमा सशस्त्र राजनितीमा पनि सक्रिय रहेका मुखिया गोईतकै कारण मधेशको सशस्त्र राजनितीक विगतमा गतिविधी गलत वाटोमा गएको आरोप लगाउछन ।  ‘कुनैं पनि काममा अनुशासन भएन भने त्यसले अराजकतालाई निम्ताउछने गर्छन’ मुखियाले भने ‘मधेशमा सशस्त्र समुहको नाममा वढेको अराजकताको जिम्म्ेवारी गोईतले लिनैं पर्छ ।’ गाईत अरुको कुरा नसुनेकैं कारण हिजो च्याउसरी सशस्त्र समुह जन्मिन पुगेको बताउदैं मुखियाले ‘गोइतमा अरुको कुरा सुन्ने क्षमता मात्रैं भईखिएको भए आज उनी मधेशको सर्वमान्य नेताको रुपमा पुजिन्थ्यो ।’
हाल गोईतलाई शुरुवातीका चरण एकजना पनि सहयोगी नेता हाल उपल्व्ध छैंन । गोईतले शुरुवाती चरणका प्रमुख नेताहरु विश्वनाथ पाण्डे –चटानसिंह), नगेन्द्र पासवान – ज्वालासिंह), विनय महतो (सुरज), रामबाबु यादव र रामविलास यादव थिए । विनय महतो र चटानसिंह तत्कालिन माओवादीका वरिष्ट सैंन्य कमाण्डर थिए, महतो गोईतको अभियानमा सक्रिय भएको लगत्तै प्रहरीको कारवाहीमा मारिएका थिए ।चटानसिंह भन्ने हाल मधेश मुक्ति टाईर्गसका सैंन्य कमाण्डर हुन । त्यसैंगरी प्रमुख राजनितीक व्यक्तिमध्ये रामवाबु यादव (रणविरसिंह)  मानिन्थ्यो । जसलाइ भारतीय प्रहरीले पक्राउ गरी सिरहा प्रहरीलाई बुझाएको थियो । सिरहा प्रहरीलाई बुझएको लगत्तैं उनके मृत्यू भएको थियो ।मृत्यूको बेला उनी मधेश राष्ट्र जनतान्त्रिक पार्टीका अध्यक्ष थिए ।
राम विलास यादव अहिले भने छुटैं अखिल तराई मुक्त मोर्चाको नेृर्तत्व गरिरहेका छन । ८ महिना अघि गोईतसंग अलग भएका यादव वैंद्धिक नेताको रुपमा मधेशमा चिनिन्छन । गोईतसंग सवैं भन्दा लामो समय सम्म सहकार्य पनि उनलैं नैं गरेका हुन । मातृका यादव नेतृत्वको नेकपा माओवादी संग उनी सहकार्यको प्रयासमा रहेको स्रोतको दावी छ ।त्यसका लागी विभिन्न चरणको वार्ता समेत आन्तरिक रुपमा भईरहेको भित्रियाहरुको कथन छ ।  
माओवादी पार्टी मैं रहदां जग्गा विवाद नराम्ररी नमुछिएका नगेन्द्र पासवान –ज्वालसिंह) शुरुवाती चरणकैं गोइतका प्रमुख राजनितीक सहयोद्धा थिए । तर जानकारहरुका अनुसार गोइृतको व्यक्तिगत व्यहावारप्रति तीेव्र असन्त्ुष्टि हुदैं जादां ज्वाल सिंह गोइत वाट वाहिरिए । अहिले सम्म कैं सवैं भन्द्या ठुलो धक्का गोईतका लागी उही भएको भित्रियाहरु बताउछन । तत्कालिन अवस्थामा संगठन भित्र निकैं प्राभाव राख्ने नेताको रुपमा ज्वालालाई लिइन्थ्यो । संगठन भित्र राम्रो पकड भएका ज्वालाको सप्तरीमा भएको एउटा घटनामा गोईतसंग मतभिन्नता उत्पन्न भएपछि उनी बाहिरिएका थिए । यसरी छोटो समयमा संगठन भित्र राम्रो पकड बनाएर ज्वाला छुटै संगठन बनाएपछि गोईत उनीसंग यती रिसाएको थियो कि उनको नाम समेत लिने गरेका थिएन । तर संविधानसभा विघटनसंगै उनीहरु आश्चर्यजनक रुपमा नजिकिएको स्रोतको दाबी छ । विगत १ बर्ष देखि यीनीहरु संगै बस्दै आएका थिए । र, पटक पटकको छलफल पछि गएको २९ भदौमा कार्यगत एकताको घोषण गरेका हुन । जुन पुर्ण रुपमा आउदो निर्वाचनमा आफनो उपस्थिती देखाउनका लागी मात्रै केन्द्रित रहेको जानकारहरु बताउछन ।


1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: तपाईं यस इमेल मा चासो सम्पर्क LUS हो भने हामी, 3% ब्याज दर मा ऋण दिन

    ReplyDelete