अब मधेश हार्ने छैनन

के मधेशवादी नेताहरु चुनाव हार्दैमा मधेश राजनितीक रुपमा ओरालो लाग्ला ?
नवीन झा 

आउदो निर्वाचनलाई लक्षित गरेर हाल विभिन्न पार्टीहरुको वारेमा अनेकन टिप्पणीहरु सुन्न पाईन्छ । त्यसै सन्दर्भमा मधेशवादी दलहरु अब सकिन्छ भन्ने आवाज पनि काठमाडौमा बाक्लै सुनिन्छन । काठमाडौको एउटा तप्कामा अब मधेशवाट मधेशी नेताहरु अघिल्लो चुनाव जस्तो गरी जित्न नसकिने र उनीहरु मध्ये धेरैको अस्तीत्व समाप्त भएर जाने तर्क गर्छन । हो, एउटा कुरा के निश्चित छ भने आउदो निर्वाचनमा अघिल्लो निर्वाचनको जस्तै आकारमा त मधेशवादी दलहरु आउने छैनन । तर के मधेशवादी दलहरु हार्दैमा निर्वाचन पछि फेरी राजनितीक रुपमा मधेश ओरोला लाग्ला त ?

निर्वाचनमा मधेशवादी दलहरु जुन आकारमा आए पनि मधेश अब राजनितीक रुपमा ओरालो लाग्ने छैनन । मधेशमा विकसित राजनितीक मनोविज्ञानको उचाईलाई अहिले कुनै मधेशवादी दलहरु वा नेताहरु प्रतिनिधित्व गर्ने अवस्थामा पनि छैनन । त्यसैले आउदो चुनावमा जुनसुकै पार्टीहरु मधेशवाट चुनाव जितेपनि मधेशको मुद्धा र मधेशवादी राजनिती अब ओझेलमा पर्ने छैनन ।

कतिपयले ००७ र ०४७ मा पनि मधेशवादी दलहरुले भावनात्मक रुपमा अघि आएपनि व्यवहारिक रुपमा धेरै टिक्न नसक्दै ओझेलमा परेको उदाहरण काठमाडौमा अचेल खुवै दिने गरिन्छन । तर ००७ सालको सेरोफेरोमा सुरु भएको मधेश राजनिती ०७० मा आईपुग्दा अनेकन तिता ईतिहासको अनुभुति संगालिसकेका छन । र आज मधेशका युवाहरु खासगरी जुन मधेशवादी राजनितीक वर्तमानवाट गुज्रीरहेका छन त्यो पक्कै पनि उनीहरुका लागी सहज त  छैनन तर त्यसको अर्थ यो पनि छैन कि मधेशका युवाहरु एमाले, काग्रेस र माओवादी प्रति सन्तुष्टि छन । त्यसैले मधेश राजनितीक रुपमा एकदमै खतरनाक मोडमा छन । जसलाई आउदो निर्वाचनले खासै प्रभाव पार्ने लक्षणहरु देखा परिरहेको छैन ।

आउदो निर्वाचनमा मधेशवाट जुनसुकै पार्टीहरु चुनाव जितेपनि त्यसले मधेशमा वढदै गएको राजनितीक मनोविज्ञानलाई कुनै असर पार्ने छैनन । जुन विभिन्न तरिकाले अनेकन रुपमा भिन्ना भिन्नै रुपमा देखिने छन र मधेशको मुद्धा मात्र होईन कि मधेशको राजनितीक पनि ओराला लाग्ने छैन । र एक मधेशी युवा नेता कै शब्दमा भन्ने हो भने, आउदो निर्वाचनमा मधेशवादी दलहरु हारे पनि अब मधेश हार्ने छैनन ।