Friday, September 13, 2013

फोरम नेपालको हारसरमा मन्थन

सुरक्षा सहित अन्य कयौन चुनौति आईलाग्दा फोरम नेपाल त्यसको तयारीमा धनुषाको हारसर गाउमा बसेर एक हप्ते मन्थन गरेका छन । 

२ भदौ देखि ८ सम्म फोरम नेपालका अध्यक्ष उपेन्द्र यादव पार्टीको केन्द्रदेखि जिल्ला तहसम्मका झण्डै १०० नेतालाई  लिएर धनुषा जिल्लाको गोपालपुर गाविस अन्र्तगतको हारसरमा बसे । त्याहा यसरी सात दिने बासका लागी यादव किन पुगे त ?  फोरम स्रोतका अनुसार पार्टी चौतर्फी घेराबन्दीमा पर्न थालेको  बेला चुनावमा कसरी प्रस्तुत हुने वारेमा आन्तरिक तयारीका लागी यादवले उक्त बासको बन्दोबस्त मिलाएका थिए । 
अर्को संयोग वा सुनियोजीत तयारी भनौ, एनेकपा माओवादीका अध्यक्ष प्रचण्ड पनि यो अवद्यी भर धनुषामै विताएका थिए । प्रचण्डले आफु पनि मधेशवाटै चुनाव लडने उदघोष गरेका छन । अघिल्लो संविधानसभाको पुर्व सन्ध्यामा माओवादी र फोरम विच रौतहटको गौरमा आमुन्ने सामुन्ने हुदा ठुलै हिंसात्मक उत्पात मचेको थियो । 
अघिल्लो महिना मात्रै फोरमको महोतरी जिल्लामा रहेको पार्टी कार्यलयमा गोली प्रहार हुदा त्याहा उनका जिल्ला सचिव धाईते भएका थिए । घटनाको जिम्मेवारी तराई मधेशमा सक्रिय सशस्त्र समुहहरुले लिएका थिए । त्यसपछि फोरम नेपालका नेतृत्वले आउदो निर्वाचनमा आफुहरु सशस्त्र समुहको निशानामा पर्न सक्ने भन्दै आन्तरिक रुपमा विभिन्न छलफल चलाउन थालेका छन । फोरम नेपालका अध्यक्ष उपेन्द्र यादवले महोतरी घटनापछि यो संवाददातासंगको एउटा टेलिफोन वार्तालापमा भनेका थिए, ‘हामी यो घटना पछि चुप लगाएर बस्दैनौ, यो घटना गराउने लाई हामी त्यतीकै छाडदैनौ ।’

भिडने तयारी 
यादवको ‘हारसर राजनिती शिविर’ मा पहिलो तीन पछिको बाकी चार दिन पुर्ण रुपमा चुनावी सुरक्षा र चुनावमा फोरम नेपालका नेताहरु कसरी प्रस्तुत हुने बिषयमा केन्द्रित थियो । 
फोरम नेपालका केन्द्रिय सदस्य अशोक यादव भन्छन, ‘शुरुको तीन दिन राजनितीक प्रशिक्षण वाहेक अन्य चार दिन हामी चुनावी चुनौतीका सबै पाटाहरु माथी छलफल गर्यो ।’ आउदो चुनावमा फोरम नेपालले मधेशमा सशस्त्र समुहहरुका साथै अन्य मधेशवादी दलहरु नै आफनो लागी सबै भन्द्या ठुलो चुनौती हुन सक्ने आकंलन निकालेको फोरम स्रोतको दाबी छ । ‘त्यो अवस्था फोरम नेपालका लागी भने अत्यन्तै जटील हुनेछ’ फोरम नेपालका एक नेता भन्छन ‘यस्तो अवस्थामा हामी अत्यन्तै कुटिल भएर काम गर्नु पर्ने हुन्छ ।’ ती नेताका अनुसार संयुक्त लोकतान्त्रिक मधेशी मोर्चामा आबद्ध मधेशी पार्टीहरु कुनै न कुनै रुपमा सहकार्य गरेरै चुनावी मैदानमा जाने भएकाले फोरम नेपाल आफनो तयारीलाई अली गोप्य र सशक्त बनाउन लागेका हुन । 
केन्द्रिय सदस्य यादवले पनि एक हप्ते उक्त शिविर आउदो निर्वाचनका लागी महत्वपुर्ण सावित हुने कुरामा जोड दिए । उनले भने , ‘८ भदौमा यो शिविर सक्ने वितिकै पार्टीको केन्द्रिय कार्यसमितीको बैठक बस्दै छ, जसले केही महत्वपुर्ण निर्णयहरु पनि सार्वजनिक गर्ने छन ।’  यादवका अनुसार हारसर शिविरमा चुनावका लागी आवश्यक सबै मोर्चामा पार्टीलाई कसरी प्रस्तुत गर्ने वारेमा अध्यक्ष यादव सहित केहि वरिष्ठ नेताहरुले प्रशिक्षण दिएका थिए । 
भदौको अन्तिम साता मात्रै फोरम नेपालका अध्यक्ष यादवको नेतृत्वमा रहेको मोर्चाले चार दलीय सयन्त्रसंग चुनावका लागी ६ बुदें सहमती गरेका थिए । हुनत संविधानसभा विघटनको पुर्व सन्ध्या देखि आन्दोलनमै रहेका यादव मधेशमा छुटै आन्द्योलन गरेर मधेशवादीदलहरुको अस्तीत्व धरापमा पार्न पनि खाजेकै थिए तर उनले चाहदै मा आन्द्योलन हुन नसक्ने कुराको पछिल्लो प्रमाणको रुपमा पनि कतिपयले यो सहमतीलाई लिएका छन ।    
पहिलो संविधान सभाको चुनावमा मधेशवाट सबै भन्द्या ठुलो पार्टीको रुपमा उदय भएका यादव नेतृत्वको फोरम पछिल्लो चरणमा अत्यन्तै सानो आकारमा सिमित हुन पुगेका छन । विजय गच्छदार र जेपी गुप्तावाट ठुलो क्षती व्योहोरेका यादव आफनो पार्टी फुटाउनमा मधेशी मोर्चाको ठुलो हाथ रहेको आरोप लगाउदै आएका छन । त्यसको आलावा फोरमले सानो तिनो फुटको पनि राम्रै मार खेपिसकेका छन । 
त्यसपछि पछिल्लो समयमा तराईका केही सशस्त्र समुहले पनि उनका नेताहरुलाई चुनावी अभियानमा अवरोध गर्न थालेपछि यादव अरु मधेशी पार्टीहरु प्रति थप क्रुद्ध भएका छन । उनी निकट स्रोतका अनुसार, यादव महोतरी घटनामा मधेशवादी दलहरु मौन बस्नुलाई गम्भिरता पुर्वक लिनु पर्ने कुरा आफना निकटस्तहरु सम्कक्ष राख्ने गर्छन । 
यसरी चौतर्फी रुपमा आफु घेराबन्दीमा परेको भन्दै यादव पछिल्लो समयमा रुष्ट पनि देखिन्थ्यो । त्यसैकै परिणम स्वरुप होला, यादव हारसरको राजनितीक शिविरमा आफना विश्वास पात्र र चुनावका लागी उपयुक्तहरुलाई मात्रै डाकेका थिए । जसमध्ये अधिकांश आउदो निर्वाचनका उम्मेदवार पनि हुन । यसरी सुरक्षा सहित राजनितीक रुपमै आफुलाई अप्ठायरो महसुस गर्ने यादव के चुनावलाई थप हिंसात्मक बनाउला त ? फोरम नेपालका एक नेता भन्छन, ‘आईलागेमा आफना रक्षाका लागी अरु त बचाउने काम पनि हुदैन ।’

1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: तपाईं यस इमेल मा चासो सम्पर्क LUS हो भने हामी, 3% ब्याज दर मा ऋण दिन

    ReplyDelete